Buch 6, § 4 — Neues Testament

Τί οὖν ἐροῦμεν εὑρηκέναι Ἀβραὰμ τὸν προπάτορα ἡμῶν κατὰ σάρκα; εἰ γὰρ Ἀβραὰμ ἐξ ἔργων ἐδικαιώθη, ἔχει καύχημα· ἀλλ’ οὐ πρὸς θεόν, τί γὰρ ἡ γραφὴ λέγει; Ἐπίστευσεν δὲ Ἀβραὰμ τῷ θεῷ καὶ ἐλογίσθη αὐτῷ εἰς δικαιοσύνην. τῷ δὲ ἐργαζομένῳ ὁ μισθὸς οὐ λογίζεται κατὰ χάριν ἀλλὰ κατὰ ὀφείλημα· τῷ δὲ μὴ ἐργαζομένῳ, πιστεύοντι δὲ ἐπὶ τὸν δικαιοῦντα τὸν ἀσεβῆ, λογίζεται ἡ πίστις αὐτοῦ εἰς δικαιοσύνην, καθάπερ καὶ Δαυὶδ λέγει τὸν μακαρισμὸν τοῦ ἀνθρώπου ᾧ ὁ θεὸς λογίζεται δικαιοσύνην χωρὶς ἔργων· Μακάριοι ὧν ἀφέθησαν αἱ ἀνομίαι καὶ ὧν ἐπεκαλύφθησαν αἱ ἁμαρτίαι, μακάριος ἀνὴρ οὗ οὐ μὴ λογίσηται κύριος ἁμαρτίαν.

Ti oun eroumen heurekenai Abraam ton propatora hemon kata sarka? ei gar Abraam ex ergon edikaiothe, echei kauchema; all’ ou pros theon, ti gar he graphe legei? Episteusen de Abraam to theo kai elogisthe auto eis dikaiosynen. to de ergazomeno ho misthos ou logizetai kata charin alla kata opheilema; to de me ergazomeno, pisteuonti de epi ton dikaiounta ton asebe, logizetai he pistis autou eis dikaiosynen, kathaper kai Dauid legei ton makarismon tou anthropou ho ho theos logizetai dikaiosynen choris ergon; Makarioi hon aphethesan ahi anomiai kai hon epekalyphthesan ahi hamartiai, makarios aner hou ou me logisetai kyrios hamartian.

Ὁ μακαρισμὸς οὖν οὗτος ἐπὶ τὴν περιτομὴν ἢ καὶ ἐπὶ τὴν ἀκροβυστίαν; λέγομεν γάρ· Ἐλογίσθη τῷ Ἀβραὰμ ἡ πίστις εἰς δικαιοσύνην. πῶς οὖν ἐλογίσθη; ἐν περιτομῇ ὄντι ἢ ἐν ἀκροβυστίᾳ; οὐκ ἐν περιτομῇ ἀλλ’ ἐν ἀκροβυστίᾳ· καὶ σημεῖον ἔλαβεν περιτομῆς, σφραγῖδα τῆς δικαιοσύνης τῆς πίστεως τῆς ἐν τῇ ἀκροβυστίᾳ, εἰς τὸ εἶναι αὐτὸν πατέρα πάντων τῶν πιστευόντων δι’ ἀκροβυστίας, εἰς τὸ λογισθῆναι αὐτοῖς τὴν δικαιοσύνην, καὶ πατέρα περιτομῆς τοῖς οὐκ ἐκ περιτομῆς μόνον ἀλλὰ καὶ τοῖς στοιχοῦσιν τοῖς ἴχνεσιν τῆς ἐν ἀκροβυστίᾳ πίστεως τοῦ πατρὸς ἡμῶν Ἀβραάμ.

Ho makarismos oun houtos epi ten peritomen e kai epi ten akrobystian? legomen gar; Elogisthe to Abraam he pistis eis dikaiosynen. pos oun elogisthe? en peritome onti e en akrobystia? ouk en peritome all’ en akrobystia; kai semeion elaben peritomes, sphragida tes dikaiosynes tes pisteos tes en te akrobystia, eis to einai auton patera panton ton pisteuonton di’ akrobystias, eis to logisthenai autois ten dikaiosynen, kai patera peritomes tois ouk ek peritomes monon alla kai tois stoichousin tois ichnesin tes en akrobystia pisteos tou patros hemon Abraam.

Οὐ γὰρ διὰ νόμου ἡ ἐπαγγελία τῷ Ἀβραὰμ ἢ τῷ σπέρματι αὐτοῦ, τὸ κληρονόμον αὐτὸν εἶναι κόσμου, ἀλλὰ διὰ δικαιοσύνης πίστεως· εἰ γὰρ οἱ ἐκ νόμου κληρονόμοι, κεκένωται ἡ πίστις καὶ κατήργηται ἡ ἐπαγγελία· ὁ γὰρ νόμος ὀργὴν κατεργάζεται, οὗ δὲ οὐκ ἔστιν νόμος, οὐδὲ παράβασις.

Ou gar dia nomou he epangelia to Abraam e to spermati autou, to kleronomon auton einai kosmou, alla dia dikaiosynes pisteos; ei gar ohi ek nomou kleronomoi, kekenotai he pistis kai katergetai he epangelia; ho gar nomos orgen katergazetai, hou de ouk estin nomos, oude parabasis.

Διὰ τοῦτο ἐκ πίστεως, ἵνα κατὰ χάριν, εἰς τὸ εἶναι βεβαίαν τὴν ἐπαγγελίαν παντὶ τῷ σπέρματι, οὐ τῷ ἐκ τοῦ νόμου μόνον ἀλλὰ καὶ τῷ ἐκ πίστεως Ἀβραάμ ὅς ἐστιν πατὴρ πάντων ἡμῶν, καθὼς γέγραπται ὅτι Πατέρα πολλῶν ἐθνῶν τέθεικά σε, κατέναντι οὗ ἐπίστευσεν θεοῦ τοῦ ζῳοποιοῦντος τοὺς νεκροὺς καὶ καλοῦντος τὰ μὴ ὄντα ὡς ὄντα· ὃς παρ’ ἐλπίδα ἐπ’ ἐλπίδι ἐπίστευσεν εἰς τὸ γενέσθαι αὐτὸν πατέρα πολλῶν ἐθνῶν κατὰ τὸ εἰρημένον· Οὕτως ἔσται τὸ σπέρμα σου· καὶ μὴ ἀσθενήσας τῇ πίστει κατενόησεν τὸ ἑαυτοῦ σῶμα νενεκρωμένον, ἑκατονταετής που ὑπάρχων, καὶ τὴν νέκρωσιν τῆς μήτρας Σάρρας, εἰς δὲ τὴν ἐπαγγελίαν τοῦ θεοῦ οὐ διεκρίθη τῇ ἀπιστίᾳ ἀλλὰ ἐνεδυναμώθη τῇ πίστει, δοὺς δόξαν τῷ θεῷ καὶ πληροφορηθεὶς ὅτι ὃ ἐπήγγελται δυνατός ἐστιν καὶ ποιῆσαι. διὸ ἐλογίσθη αὐτῷ εἰς δικαιοσύνην. Οὐκ ἐγράφη δὲ δι’ αὐτὸν μόνον ὅτι ἐλογίσθη αὐτῷ, ἀλλὰ καὶ δι’ ἡμᾶς οἷς μέλλει λογίζεσθαι, τοῖς πιστεύουσιν ἐπὶ τὸν ἐγείραντα Ἰησοῦν τὸν κύριον ἡμῶν ἐκ νεκρῶν, ὃς παρεδόθη διὰ τὰ παραπτώματα ἡμῶν καὶ ἠγέρθη διὰ τὴν δικαίωσιν ἡμῶν.

Dia touto ek pisteos, hina kata charin, eis to einai bebaian ten epangelian panti to spermati, ou to ek tou nomou monon alla kai to ek pisteos Abraam hos estin pater panton hemon, kathos gegraptai hoti Patera pollon ethnon tetheika se, katenanti hou episteusen theou tou zoopoiountos tous nekrous kai kalountos ta me onta hos onta; hos par’ elpida ep’ elpidi episteusen eis to genesthai auton patera pollon ethnon kata to eiremenon; Houtos estai to sperma sou; kai me asthenesas te pistei katenoesen to heautou soma nenekromenon, hekatontaetes pou hyparchon, kai ten nekrosin tes metras Sarras, eis de ten epangelian tou theou ou diekrithe te apistia alla enedynamothe te pistei, dous doxan to theo kai plerophoretheis hoti ho epengeltai dynatos estin kai poiesai. dio elogisthe auto eis dikaiosynen. Ouk egraphe de di’ auton monon hoti elogisthe auto, alla kai di’ hemas ohis mellei logizesthai, tois pisteuousin epi ton egeiranta Iesoun ton kyrion hemon ek nekron, hos paredothe dia ta paraptomata hemon kai egerthe dia ten dikaiosin hemon.