Buch 6, § 13 — Neues Testament

Πᾶσα ψυχὴ ἐξουσίαις ὑπερεχούσαις ὑποτασσέσθω, οὐ γὰρ ἔστιν ἐξουσία εἰ μὴ ὑπὸ θεοῦ, αἱ δὲ οὖσαι ὑπὸ θεοῦ τεταγμέναι εἰσίν. ὥστε ὁ ἀντιτασσόμενος τῇ ἐξουσίᾳ τῇ τοῦ θεοῦ διαταγῇ ἀνθέστηκεν, οἱ δὲ ἀνθεστηκότες ἑαυτοῖς κρίμα λήμψονται. οἱ γὰρ ἄρχοντες οὐκ εἰσὶν φόβος τῷ ἀγαθῷ ἔργῳ ἀλλὰ τῷ κακῷ. θέλεις δὲ μὴ φοβεῖσθαι τὴν ἐξουσίαν; τὸ ἀγαθὸν ποίει, καὶ ἕξεις ἔπαινον ἐξ αὐτῆς· θεοῦ γὰρ διάκονός ἐστιν σοὶ εἰς τὸ ἀγαθόν. ἐὰν δὲ τὸ κακὸν ποιῇς, φοβοῦ· οὐ γὰρ εἰκῇ τὴν μάχαιραν φορεῖ· θεοῦ γὰρ διάκονός ἐστιν, ἔκδικος εἰς ὀργὴν τῷ τὸ κακὸν πράσσοντι. διὸ ἀνάγκη ὑποτάσσεσθαι, οὐ μόνον διὰ τὴν ὀργὴν ἀλλὰ καὶ διὰ τὴν συνείδησιν, διὰ τοῦτο γὰρ καὶ φόρους τελεῖτε, λειτουργοὶ γὰρ θεοῦ εἰσιν εἰς αὐτὸ τοῦτο προσκαρτεροῦντες. ἀπόδοτε πᾶσι τὰς ὀφειλάς, τῷ τὸν φόρον τὸν φόρον, τῷ τὸ τέλος τὸ τέλος, τῷ τὸν φόβον τὸν φόβον, τῷ τὴν τιμὴν τὴν τιμήν.

Pasa psyche exousiais hyperechousais hypotassestho, ou gar estin exousia ei me hypo theou, ahi de ousai hypo theou tetagmenai eisin. hoste ho antitassomenos te exousia te tou theou diatage anthesteken, ohi de anthestekotes heautois krima lempsontai. ohi gar archontes ouk eisin phobos to agatho ergo alla to kako. theleis de me phobeisthai ten exousian? to agathon poiei, kai hexeis epainon ex autes; theou gar diakonos estin soi eis to agathon. ean de to kakon poies, phobou; ou gar eike ten machairan phorei; theou gar diakonos estin, ekdikos eis orgen to to kakon prassonti. dio ananke hypotassesthai, ou monon dia ten orgen alla kai dia ten syneidesin, dia touto gar kai phorous teleite, leitourgoi gar theou eisin eis auto touto proskarterountes. apodote pasi tas opheilas, to ton phoron ton phoron, to to telos to telos, to ton phobon ton phobon, to ten timen ten timen.

Μηδενὶ μηδὲν ὀφείλετε, εἰ μὴ τὸ ἀλλήλους ἀγαπᾶν· ὁ γὰρ ἀγαπῶν τὸν ἕτερον νόμον πεπλήρωκεν. τὸ γάρ· Οὐ μοιχεύσεις, Οὐ φονεύσεις, Οὐ κλέψεις, Οὐκ ἐπιθυμήσεις, καὶ εἴ τις ἑτέρα ἐντολή, ἐν τῷ λόγῳ τούτῳ ἀνακεφαλαιοῦται, ἐν τῷ· Ἀγαπήσεις τὸν πλησίον σου ὡς σεαυτόν. ἡ ἀγάπη τῷ πλησίον κακὸν οὐκ ἐργάζεται· πλήρωμα οὖν νόμου ἡ ἀγάπη.

Medeni meden opheilete, ei me to allelous agapan; ho gar agapon ton heteron nomon pepleroken. to gar; Ou moicheuseis, Ou phoneuseis, Ou klepseis, Ouk epithymeseis, kai ei tis hetera entole, en to logo touto anakephalaioutai, en to; Agapeseis ton plesion sou hos seauton. he agape to plesion kakon ouk ergazetai; pleroma oun nomou he agape.

Καὶ τοῦτο εἰδότες τὸν καιρόν, ὅτι ὥρα ἤδη ὑμᾶς ἐξ ὕπνου ἐγερθῆναι, νῦν γὰρ ἐγγύτερον ἡμῶν ἡ σωτηρία ἢ ὅτε ἐπιστεύσαμεν. ἡ νὺξ προέκοψεν, ἡ δὲ ἡμέρα ἤγγικεν. ἀποβαλώμεθα οὖν τὰ ἔργα τοῦ σκότους, ἐνδυσώμεθα δὲ τὰ ὅπλα τοῦ φωτός. ὡς ἐν ἡμέρᾳ εὐσχημόνως περιπατήσωμεν, μὴ κώμοις καὶ μέθαις, μὴ κοίταις καὶ ἀσελγείαις, μὴ ἔριδι καὶ ζήλῳ, ἀλλὰ ἐνδύσασθε τὸν κύριον Ἰησοῦν Χριστόν, καὶ τῆς σαρκὸς πρόνοιαν μὴ ποιεῖσθε εἰς ἐπιθυμίας.

Kai touto eidotes ton kairon, hoti hora ede hymas ex hypnou egerthenai, nyn gar engyteron hemon he soteria e hote episteusamen. he nyx proekopsen, he de hemera engiken. apobalometha oun ta erga tou skotous, endysometha de ta hopla tou photos. hos en hemera euschemonos peripatesomen, me komois kai methais, me koitais kai aselgeiais, me eridi kai zelo, alla endysasthe ton kyrion Iesoun Christon, kai tes sarkos pronoian me poieisthe eis epithymias.