Buch 6, § 11 — Neues Testament

Λέγω οὖν, μὴ ἀπώσατο ὁ θεὸς τὸν λαὸν αὐτοῦ; μὴ γένοιτο· καὶ γὰρ ἐγὼ Ἰσραηλίτης εἰμί, ἐκ σπέρματος Ἀβραάμ, φυλῆς Βενιαμίν. οὐκ ἀπώσατο ὁ θεὸς τὸν λαὸν αὐτοῦ ὃν προέγνω. ἢ οὐκ οἴδατε ἐν Ἠλίᾳ τί λέγει ἡ γραφή, ὡς ἐντυγχάνει τῷ θεῷ κατὰ τοῦ Ἰσραήλ; Κύριε, τοὺς προφήτας σου ἀπέκτειναν, τὰ θυσιαστήριά σου κατέσκαψαν, κἀγὼ ὑπελείφθην μόνος, καὶ ζητοῦσιν τὴν ψυχήν μου. ἀλλὰ τί λέγει αὐτῷ ὁ χρηματισμός; Κατέλιπον ἐμαυτῷ ἑπτακισχιλίους ἄνδρας, οἵτινες οὐκ ἔκαμψαν γόνυ τῇ Βάαλ. οὕτως οὖν καὶ ἐν τῷ νῦν καιρῷ λεῖμμα κατ’ ἐκλογὴν χάριτος γέγονεν· εἰ δὲ χάριτι, οὐκέτι ἐξ ἔργων, ἐπεὶ ἡ χάρις οὐκέτι γίνεται χάρις.

Lego oun, me aposato ho theos ton laon autou? me genoito; kai gar ego Israelites eimi, ek spermatos Abraam, phyles Beniamin. ouk aposato ho theos ton laon autou hon proegno. e ouk oidate en Elia ti legei he graphe, hos entynchanei to theo kata tou Israel? Kyrie, tous prophetas sou apekteinan, ta thysiasteria sou kateskapsan, kago hypeleiphthen monos, kai zetousin ten psychen mou. alla ti legei auto ho chrematismos? Katelipon emauto heptakischilious andras, ohitines ouk ekampsan gony te Baal. houtos oun kai en to nyn kairo leimma kat’ eklogen charitos gegonen; ei de chariti, ouketi ex ergon, epei he charis ouketi ginetai charis.

τί οὖν; ὃ ἐπιζητεῖ Ἰσραήλ, τοῦτο οὐκ ἐπέτυχεν, ἡ δὲ ἐκλογὴ ἐπέτυχεν· οἱ δὲ λοιποὶ ἐπωρώθησαν, καθὼς γέγραπται· Ἔδωκεν αὐτοῖς ὁ θεὸς πνεῦμα κατανύξεως, ὀφθαλμοὺς τοῦ μὴ βλέπειν καὶ ὦτα τοῦ μὴ ἀκούειν, ἕως τῆς σήμερον ἡμέρας. καὶ Δαυὶδ λέγει· Γενηθήτω ἡ τράπεζα αὐτῶν εἰς παγίδα καὶ εἰς θήραν καὶ εἰς σκάνδαλον καὶ εἰς ἀνταπόδομα αὐτοῖς, σκοτισθήτωσαν οἱ ὀφθαλμοὶ αὐτῶν τοῦ μὴ βλέπειν, καὶ τὸν νῶτον αὐτῶν διὰ παντὸς σύγκαμψον.

ti oun? ho epizetei Israel, touto ouk epetychen, he de ekloge epetychen; ohi de loipoi eporothesan, kathos gegraptai; Edoken autois ho theos pneuma katanyxeos, ophthalmous tou me blepein kai ota tou me akouein, heos tes semeron hemeras. kai Dauid legei; Genetheto he trapeza auton eis pagida kai eis theran kai eis skandalon kai eis antapodoma autois, skotisthetosan ohi ophthalmoi auton tou me blepein, kai ton noton auton dia pantos synkampson.

Λέγω οὖν, μὴ ἔπταισαν ἵνα πέσωσιν; μὴ γένοιτο· ἀλλὰ τῷ αὐτῶν παραπτώματι ἡ σωτηρία τοῖς ἔθνεσιν, εἰς τὸ παραζηλῶσαι αὐτούς. εἰ δὲ τὸ παράπτωμα αὐτῶν πλοῦτος κόσμου καὶ τὸ ἥττημα αὐτῶν πλοῦτος ἐθνῶν, πόσῳ μᾶλλον τὸ πλήρωμα αὐτῶν.

Lego oun, me eptaisan hina pesosin? me genoito; alla to auton paraptomati he soteria tois ethnesin, eis to parazelosai autous. ei de to paraptoma auton ploutos kosmou kai to hettema auton ploutos ethnon, poso mallon to pleroma auton.

Ὑμῖν δὲ λέγω τοῖς ἔθνεσιν. ἐφ’ ὅσον μὲν οὖν εἰμι ἐγὼ ἐθνῶν ἀπόστολος, τὴν διακονίαν μου δοξάζω, εἴ πως παραζηλώσω μου τὴν σάρκα καὶ σώσω τινὰς ἐξ αὐτῶν. εἰ γὰρ ἡ ἀποβολὴ αὐτῶν καταλλαγὴ κόσμου, τίς ἡ πρόσλημψις εἰ μὴ ζωὴ ἐκ νεκρῶν; εἰ δὲ ἡ ἀπαρχὴ ἁγία, καὶ τὸ φύραμα· καὶ εἰ ἡ ῥίζα ἁγία, καὶ οἱ κλάδοι.

Hymin de lego tois ethnesin. eph’ hoson men oun eimi ego ethnon apostolos, ten diakonian mou doxazo, ei pos parazeloso mou ten sarka kai soso tinas ex auton. ei gar he apobole auton katallage kosmou, tis he proslempsis ei me zoe ek nekron? ei de he aparche hagia, kai to phyrama; kai ei he rhiza hagia, kai ohi kladoi.

Εἰ δέ τινες τῶν κλάδων ἐξεκλάσθησαν, σὺ δὲ ἀγριέλαιος ὢν ἐνεκεντρίσθης ἐν αὐτοῖς καὶ συγκοινωνὸς τῆς ῥίζης τῆς πιότητος τῆς ἐλαίας ἐγένου, μὴ κατακαυχῶ τῶν κλάδων· εἰ δὲ κατακαυχᾶσαι, οὐ σὺ τὴν ῥίζαν βαστάζεις ἀλλὰ ἡ ῥίζα σέ. ἐρεῖς οὖν· Ἐξεκλάσθησαν κλάδοι ἵνα ἐγὼ ἐγκεντρισθῶ. καλῶς· τῇ ἀπιστίᾳ ἐξεκλάσθησαν, σὺ δὲ τῇ πίστει ἕστηκας. μὴ ὑψηλὰ φρόνει, ἀλλὰ φοβοῦ· εἰ γὰρ ὁ θεὸς τῶν κατὰ φύσιν κλάδων οὐκ ἐφείσατο, οὐδὲ σοῦ φείσεται. ἴδε οὖν χρηστότητα καὶ ἀποτομίαν θεοῦ· ἐπὶ μὲν τοὺς πεσόντας ἀποτομία, ἐπὶ δὲ σὲ χρηστότης θεοῦ, ἐὰν ἐπιμένῃς τῇ χρηστότητι, ἐπεὶ καὶ σὺ ἐκκοπήσῃ. κἀκεῖνοι δέ, ἐὰν μὴ ἐπιμένωσι τῇ ἀπιστίᾳ, ἐγκεντρισθήσονται· δυνατὸς γάρ ἐστιν ὁ θεὸς πάλιν ἐγκεντρίσαι αὐτούς. εἰ γὰρ σὺ ἐκ τῆς κατὰ φύσιν ἐξεκόπης ἀγριελαίου καὶ παρὰ φύσιν ἐνεκεντρίσθης εἰς καλλιέλαιον, πόσῳ μᾶλλον οὗτοι οἱ κατὰ φύσιν ἐγκεντρισθήσονται τῇ ἰδίᾳ ἐλαίᾳ.

Ei de tines ton kladon exeklasthesan, sy de agrielaios on enekentristhes en autois kai synkoinonos tes rhizes tes piotetos tes elaias egenou, me katakaucho ton kladon; ei de katakauchasai, ou sy ten rhizan bastazeis alla he rhiza se. ereis oun; Exeklasthesan kladoi hina ego enkentristho. kalos; te apistia exeklasthesan, sy de te pistei hestekas. me hypsela phronei, alla phobou; ei gar ho theos ton kata physin kladon ouk epheisato, oude sou pheisetai. ide oun chrestoteta kai apotomian theou; epi men tous pesontas apotomia, epi de se chrestotes theou, ean epimenes te chrestoteti, epei kai sy ekkopese. kakeinoi de, ean me epimenosi te apistia, enkentristhesontai; dynatos gar estin ho theos palin enkentrisai autous. ei gar sy ek tes kata physin exekopes agrielaiou kai para physin enekentristhes eis kallielaion, poso mallon houtoi ohi kata physin enkentristhesontai te idia elaia.

Οὐ γὰρ θέλω ὑμᾶς ἀγνοεῖν, ἀδελφοί, τὸ μυστήριον τοῦτο, ἵνα μὴ ἦτε ἑαυτοῖς φρόνιμοι, ὅτι πώρωσις ἀπὸ μέρους τῷ Ἰσραὴλ γέγονεν ἄχρι οὗ τὸ πλήρωμα τῶν ἐθνῶν εἰσέλθῃ, καὶ οὕτως πᾶς Ἰσραὴλ σωθήσεται· καθὼς γέγραπται· Ἥξει ἐκ Σιὼν ὁ ῥυόμενος, ἀποστρέψει ἀσεβείας ἀπὸ Ἰακώβ. καὶ αὕτη αὐτοῖς ἡ παρ’ ἐμοῦ διαθήκη, ὅταν ἀφέλωμαι τὰς ἁμαρτίας αὐτῶν. κατὰ μὲν τὸ εὐαγγέλιον ἐχθροὶ δι’ ὑμᾶς, κατὰ δὲ τὴν ἐκλογὴν ἀγαπητοὶ διὰ τοὺς πατέρας· ἀμεταμέλητα γὰρ τὰ χαρίσματα καὶ ἡ κλῆσις τοῦ θεοῦ. ὥσπερ γὰρ ὑμεῖς ποτε ἠπειθήσατε τῷ θεῷ, νῦν δὲ ἠλεήθητε τῇ τούτων ἀπειθείᾳ, οὕτως καὶ οὗτοι νῦν ἠπείθησαν τῷ ὑμετέρῳ ἐλέει ἵνα καὶ αὐτοὶ νῦν ἐλεηθῶσιν· συνέκλεισεν γὰρ ὁ θεὸς τοὺς πάντας εἰς ἀπείθειαν ἵνα τοὺς πάντας ἐλεήσῃ.

Ou gar thelo hymas agnoein, adelphoi, to mysterion touto, hina me ete heautois phronimoi, hoti porosis apo merous to Israel gegonen achri hou to pleroma ton ethnon eiselthe, kai houtos pas Israel sothesetai; kathos gegraptai; Hexei ek Sion ho rhyomenos, apostrepsei asebeias apo Iakob. kai haute autois he par’ emou diatheke, hotan aphelomai tas hamartias auton. kata men to euangelion echthroi di’ hymas, kata de ten eklogen agapetoi dia tous pateras; ametameleta gar ta charismata kai he klesis tou theou. hosper gar hymeis pote epeithesate to theo, nyn de eleethete te touton apeitheia, houtos kai houtoi nyn epeithesan to hymetero eleei hina kai autoi nyn eleethosin; synekleisen gar ho theos tous pantas eis apeitheian hina tous pantas eleese.

Ὦ βάθος πλούτου καὶ σοφίας καὶ γνώσεως θεοῦ· ὡς ἀνεξεραύνητα τὰ κρίματα αὐτοῦ καὶ ἀνεξιχνίαστοι αἱ ὁδοὶ αὐτοῦ. Τίς γὰρ ἔγνω νοῦν κυρίου; ἢ τίς σύμβουλος αὐτοῦ ἐγένετο; ἢ τίς προέδωκεν αὐτῷ, καὶ ἀνταποδοθήσεται αὐτῷ; ὅτι ἐξ αὐτοῦ καὶ δι’ αὐτοῦ καὶ εἰς αὐτὸν τὰ πάντα· αὐτῷ ἡ δόξα εἰς τοὺς αἰῶνας, ἀμήν.

O bathos ploutou kai sophias kai gnoseos theou; hos anexerauneta ta krimata autou kai anexichniastoi ahi hodoi autou. Tis gar egno noun kyriou? e tis symboulos autou egeneto? e tis proedoken auto, kai antapodothesetai auto? hoti ex autou kai di’ autou kai eis auton ta panta; auto he doxa eis tous aionas, amen.