Buch 5, § 28 — Neues Testament

Καὶ διασωθέντες τότε ἐπέγνωμεν ὅτι Μελίτη ἡ νῆσος καλεῖται. οἵ τε βάρβαροι παρεῖχον οὐ τὴν τυχοῦσαν φιλανθρωπίαν ἡμῖν, ἅψαντες γὰρ πυρὰν προσελάβοντο πάντας ἡμᾶς διὰ τὸν ὑετὸν τὸν ἐφεστῶτα καὶ διὰ τὸ ψῦχος. συστρέψαντος δὲ τοῦ Παύλου φρυγάνων τι πλῆθος καὶ ἐπιθέντος ἐπὶ τὴν πυράν, ἔχιδνα ἀπὸ τῆς θέρμης ἐξελθοῦσα καθῆψε τῆς χειρὸς αὐτοῦ. ὡς δὲ εἶδον οἱ βάρβαροι κρεμάμενον τὸ θηρίον ἐκ τῆς χειρὸς αὐτοῦ, πρὸς ἀλλήλους ἔλεγον· Πάντως φονεύς ἐστιν ὁ ἄνθρωπος οὗτος ὃν διασωθέντα ἐκ τῆς θαλάσσης ἡ δίκη ζῆν οὐκ εἴασεν. ὁ μὲν οὖν ἀποτινάξας τὸ θηρίον εἰς τὸ πῦρ ἔπαθεν οὐδὲν κακόν· οἱ δὲ προσεδόκων αὐτὸν μέλλειν πίμπρασθαι ἢ καταπίπτειν ἄφνω νεκρόν. ἐπὶ πολὺ δὲ αὐτῶν προσδοκώντων καὶ θεωρούντων μηδὲν ἄτοπον εἰς αὐτὸν γινόμενον, μεταβαλόμενοι ἔλεγον αὐτὸν εἶναι θεόν. Ἐν δὲ τοῖς περὶ τὸν τόπον ἐκεῖνον ὑπῆρχεν χωρία τῷ πρώτῳ τῆς νήσου ὀνόματι Ποπλίῳ, ὃς ἀναδεξάμενος ἡμᾶς τρεῖς ἡμέρας φιλοφρόνως ἐξένισεν. ἐγένετο δὲ τὸν πατέρα τοῦ Ποπλίου πυρετοῖς καὶ δυσεντερίῳ συνεχόμενον κατακεῖσθαι, πρὸς ὃν ὁ Παῦλος εἰσελθὼν καὶ προσευξάμενος ἐπιθεὶς τὰς χεῖρας αὐτῷ ἰάσατο αὐτόν. τούτου δὲ γενομένου καὶ οἱ λοιποὶ οἱ ἐν τῇ νήσῳ ἔχοντες ἀσθενείας προσήρχοντο καὶ ἐθεραπεύοντο, οἳ καὶ πολλαῖς τιμαῖς ἐτίμησαν ἡμᾶς καὶ ἀναγομένοις ἐπέθεντο τὰ πρὸς τὰς χρείας. Μετὰ δὲ τρεῖς μῆνας ἀνήχθημεν ἐν πλοίῳ παρακεχειμακότι ἐν τῇ νήσῳ Ἀλεξανδρίνῳ, παρασήμῳ Διοσκούροις. καὶ καταχθέντες εἰς Συρακούσας ἐπεμείναμεν ἡμέρας τρεῖς, ὅθεν περιελόντες κατηντήσαμεν εἰς Ῥήγιον. καὶ μετὰ μίαν ἡμέραν ἐπιγενομένου νότου δευτεραῖοι ἤλθομεν εἰς Ποτιόλους, οὗ εὑρόντες ἀδελφοὺς παρεκλήθημεν παρ’ αὐτοῖς ἐπιμεῖναι ἡμέρας ἑπτά· καὶ οὕτως εἰς τὴν Ῥώμην ἤλθαμεν. κἀκεῖθεν οἱ ἀδελφοὶ ἀκούσαντες τὰ περὶ ἡμῶν ἦλθαν εἰς ἀπάντησιν ἡμῖν ἄχρι Ἀππίου Φόρου καὶ Τριῶν Ταβερνῶν, οὓς ἰδὼν ὁ Παῦλος εὐχαριστήσας τῷ θεῷ ἔλαβε θάρσος. Ὅτε δὲ εἰσήλθομεν εἰς Ῥώμην, ἐπετράπη τῷ Παύλῳ μένειν καθ’ ἑαυτὸν σὺν τῷ φυλάσσοντι αὐτὸν στρατιώτῃ. Ἐγένετο δὲ μετὰ ἡμέρας τρεῖς συγκαλέσασθαι αὐτὸν τοὺς ὄντας τῶν Ἰουδαίων πρώτους· συνελθόντων δὲ αὐτῶν ἔλεγεν πρὸς αὐτούς· Ἐγώ, ἄνδρες ἀδελφοί, οὐδὲν ἐναντίον ποιήσας τῷ λαῷ ἢ τοῖς ἔθεσι τοῖς πατρῴοις δέσμιος ἐξ Ἱεροσολύμων παρεδόθην εἰς τὰς χεῖρας τῶν Ῥωμαίων, οἵτινες ἀνακρίναντές με ἐβούλοντο ἀπολῦσαι διὰ τὸ μηδεμίαν αἰτίαν θανάτου ὑπάρχειν ἐν ἐμοί· ἀντιλεγόντων δὲ τῶν Ἰουδαίων ἠναγκάσθην ἐπικαλέσασθαι Καίσαρα, οὐχ ὡς τοῦ ἔθνους μου ἔχων τι κατηγορεῖν. διὰ ταύτην οὖν τὴν αἰτίαν παρεκάλεσα ὑμᾶς ἰδεῖν καὶ προσλαλῆσαι, ἕνεκεν γὰρ τῆς ἐλπίδος τοῦ Ἰσραὴλ τὴν ἅλυσιν ταύτην περίκειμαι. οἱ δὲ πρὸς αὐτὸν εἶπαν· Ἡμεῖς οὔτε γράμματα περὶ σοῦ ἐδεξάμεθα ἀπὸ τῆς Ἰουδαίας, οὔτε παραγενόμενός τις τῶν ἀδελφῶν ἀπήγγειλεν ἢ ἐλάλησέν τι περὶ σοῦ πονηρόν. ἀξιοῦμεν δὲ παρὰ σοῦ ἀκοῦσαι ἃ φρονεῖς, περὶ μὲν γὰρ τῆς αἱρέσεως ταύτης γνωστὸν ἡμῖν ἐστιν ὅτι πανταχοῦ ἀντιλέγεται. Ταξάμενοι δὲ αὐτῷ ἡμέραν ἧκον πρὸς αὐτὸν εἰς τὴν ξενίαν πλείονες, οἷς ἐξετίθετο διαμαρτυρόμενος τὴν βασιλείαν τοῦ θεοῦ πείθων τε αὐτοὺς περὶ τοῦ Ἰησοῦ ἀπό τε τοῦ νόμου Μωϋσέως καὶ τῶν προφητῶν ἀπὸ πρωῒ ἕως ἑσπέρας. καὶ οἱ μὲν ἐπείθοντο τοῖς λεγομένοις οἱ δὲ ἠπίστουν, ἀσύμφωνοι δὲ ὄντες πρὸς ἀλλήλους ἀπελύοντο, εἰπόντος τοῦ Παύλου ῥῆμα ἓν ὅτι Καλῶς τὸ πνεῦμα τὸ ἅγιον ἐλάλησεν διὰ Ἠσαΐου τοῦ προφήτου πρὸς τοὺς πατέρας ὑμῶν λέγων· Πορεύθητι πρὸς τὸν λαὸν τοῦτον καὶ εἰπόν· Ἀκοῇ ἀκούσετε καὶ οὐ μὴ συνῆτε, καὶ βλέποντες βλέψετε καὶ οὐ μὴ ἴδητε· ἐπαχύνθη γὰρ ἡ καρδία τοῦ λαοῦ τούτου, καὶ τοῖς ὠσὶν βαρέως ἤκουσαν, καὶ τοὺς ὀφθαλμοὺς αὐτῶν ἐκάμμυσαν· μήποτε ἴδωσιν τοῖς ὀφθαλμοῖς καὶ τοῖς ὠσὶν ἀκούσωσιν καὶ τῇ καρδίᾳ συνῶσιν καὶ ἐπιστρέψωσιν, καὶ ἰάσομαι αὐτούς. γνωστὸν οὖν ἔστω ὑμῖν ὅτι τοῖς ἔθνεσιν ἀπεστάλη τοῦτο τὸ σωτήριον τοῦ θεοῦ· αὐτοὶ καὶ ἀκούσονται. Ἐνέμεινεν δὲ διετίαν ὅλην ἐν ἰδίῳ μισθώματι, καὶ ἀπεδέχετο πάντας τοὺς εἰσπορευομένους πρὸς αὐτόν, κηρύσσων τὴν βασιλείαν τοῦ θεοῦ καὶ διδάσκων τὰ περὶ τοῦ κυρίου Ἰησοῦ Χριστοῦ μετὰ πάσης παρρησίας ἀκωλύτως.

Kai diasothentes tote epegnomen hoti Melite he nesos kaleitai. ohi te barbaroi pareichon ou ten tychousan philanthropian hemin, hapsantes gar pyran proselabonto pantas hemas dia ton hyeton ton ephestota kai dia to psychos. systrepsantos de tou Paulou phryganon ti plethos kai epithentos epi ten pyran, echidna apo tes thermes exelthousa kathepse tes cheiros autou. hos de eidon ohi barbaroi kremamenon to therion ek tes cheiros autou, pros allelous elegon; Pantos phoneus estin ho anthropos houtos hon diasothenta ek tes thalasses he dike zen ouk eiasen. ho men oun apotinaxas to therion eis to pyr epathen ouden kakon; ohi de prosedokon auton mellein pimprasthai e katapiptein aphno nekron. epi poly de auton prosdokonton kai theorounton meden atopon eis auton ginomenon, metabalomenoi elegon auton einai theon. En de tois peri ton topon ekeinon hyperchen choria to proto tes nesou onomati Poplio, hos anadexamenos hemas treis hemeras philophronos exenisen. egeneto de ton patera tou Popliou pyretois kai dysenterio synechomenon katakeisthai, pros hon ho Paulos eiselthon kai proseuxamenos epitheis tas cheiras auto iasato auton. toutou de genomenou kai ohi loipoi ohi en te neso echontes astheneias proserchonto kai etherapeuonto, ohi kai pollais timais etimesan hemas kai anagomenois epethento ta pros tas chreias. Meta de treis menas anechthemen en ploio parakecheimakoti en te neso Alexandrino, parasemo Dioskourois. kai katachthentes eis Syrakousas epemeinamen hemeras treis, hothen perielontes katentesamen eis Rhegion. kai meta mian hemeran epigenomenou notou deuteraioi elthomen eis Potiolous, hou heurontes adelphous pareklethemen par’ autois epimeinai hemeras hepta; kai houtos eis ten Rhomen elthamen. kakeithen ohi adelphoi akousantes ta peri hemon elthan eis apantesin hemin achri Appiou Phorou kai Trion Tabernon, hous idon ho Paulos eucharistesas to theo elabe tharsos. Hote de eiselthomen eis Rhomen, epetrape to Paulo menein kath’ heauton syn to phylassonti auton stratiote. Egeneto de meta hemeras treis synkalesasthai auton tous ontas ton Ioudaion protous; synelthonton de auton elegen pros autous; Ego, andres adelphoi, ouden enantion poiesas to lao e tois ethesi tois patroois desmios ex Hierosolymon paredothen eis tas cheiras ton Rhomaion, ohitines anakrinantes me eboulonto apolysai dia to medemian aitian thanatou hyparchein en emoi; antilegonton de ton Ioudaion enankasthen epikalesasthai Kaisara, ouch hos tou ethnous mou echon ti kategorein. dia tauten oun ten aitian parekalesa hymas idein kai proslalesai, heneken gar tes elpidos tou Israel ten halysin tauten perikeimai. ohi de pros auton eipan; Hemeis oute grammata peri sou edexametha apo tes Ioudaias, oute paragenomenos tis ton adelphon apengeilen e elalesen ti peri sou poneron. axioumen de para sou akousai ha phroneis, peri men gar tes ahireseos tautes gnoston hemin estin hoti pantachou antilegetai. Taxamenoi de auto hemeran hekon pros auton eis ten xenian pleiones, ohis exetitheto diamartyromenos ten basileian tou theou peithon te autous peri tou Iesou apo te tou nomou Moyseos kai ton propheton apo proi heos hesperas. kai ohi men epeithonto tois legomenois ohi de epistoun, asymphonoi de ontes pros allelous apelyonto, eipontos tou Paulou rhema hen hoti Kalos to pneuma to hagion elalesen dia Esaiou tou prophetou pros tous pateras hymon legon; Poreutheti pros ton laon touton kai eipon; Akoe akousete kai ou me synete, kai blepontes blepsete kai ou me idete; epachynthe gar he kardia tou laou toutou, kai tois osin bareos ekousan, kai tous ophthalmous auton ekammysan; mepote idosin tois ophthalmois kai tois osin akousosin kai te kardia synosin kai epistrepsosin, kai iasomai autous. gnoston oun esto hymin hoti tois ethnesin apestale touto to soterion tou theou; autoi kai akousontai. Enemeinen de dietian holen en idio misthomati, kai apedecheto pantas tous eisporeuomenous pros auton, kerysson ten basileian tou theou kai didaskon ta peri tou kyriou Iesou Christou meta pases parresias akolytos.