Buch 5, § 23 — Neues Testament

ἀτενίσας δὲ ὁ Παῦλος τῷ συνεδρίῳ εἶπεν· Ἄνδρες ἀδελφοί, ἐγὼ πάσῃ συνειδήσει ἀγαθῇ πεπολίτευμαι τῷ θεῷ ἄχρι ταύτης τῆς ἡμέρας. ὁ δὲ ἀρχιερεὺς Ἁνανίας ἐπέταξεν τοῖς παρεστῶσιν αὐτῷ τύπτειν αὐτοῦ τὸ στόμα. τότε ὁ Παῦλος πρὸς αὐτὸν εἶπεν· Τύπτειν σε μέλλει ὁ θεός, τοῖχε κεκονιαμένε· καὶ σὺ κάθῃ κρίνων με κατὰ τὸν νόμον, καὶ παρανομῶν κελεύεις με τύπτεσθαι; οἱ δὲ παρεστῶτες εἶπαν· Τὸν ἀρχιερέα τοῦ θεοῦ λοιδορεῖς; ἔφη τε ὁ Παῦλος· Οὐκ ᾔδειν, ἀδελφοί, ὅτι ἐστὶν ἀρχιερεύς· γέγραπται γὰρ ὅτι Ἄρχοντα τοῦ λαοῦ σου οὐκ ἐρεῖς κακῶς.

atenisas de ho Paulos to synedrio eipen; Andres adelphoi, ego pase syneidesei agathe pepoliteumai to theo achri tautes tes hemeras. ho de archiereus Hananias epetaxen tois parestosin auto typtein autou to stoma. tote ho Paulos pros auton eipen; Typtein se mellei ho theos, toiche kekoniamene; kai sy kathe krinon me kata ton nomon, kai paranomon keleueis me typtesthai? ohi de parestotes eipan; Ton archierea tou theou loidoreis? ephe te ho Paulos; Ouk edein, adelphoi, hoti estin archiereus; gegraptai gar hoti Archonta tou laou sou ouk ereis kakos.

Γνοὺς δὲ ὁ Παῦλος ὅτι τὸ ἓν μέρος ἐστὶν Σαδδουκαίων τὸ δὲ ἕτερον Φαρισαίων ἔκραζεν ἐν τῷ συνεδρίῳ· Ἄνδρες ἀδελφοί, ἐγὼ Φαρισαῖός εἰμι, υἱὸς Φαρισαίων· περὶ ἐλπίδος καὶ ἀναστάσεως νεκρῶν ἐγὼ κρίνομαι. τοῦτο δὲ αὐτοῦ λαλοῦντος ἐγένετο στάσις τῶν Φαρισαίων καὶ Σαδδουκαίων, καὶ ἐσχίσθη τὸ πλῆθος. Σαδδουκαῖοι μὲν γὰρ λέγουσιν μὴ εἶναι ἀνάστασιν μήτε ἄγγελον μήτε πνεῦμα, Φαρισαῖοι δὲ ὁμολογοῦσιν τὰ ἀμφότερα. ἐγένετο δὲ κραυγὴ μεγάλη, καὶ ἀναστάντες τινὲς τῶν γραμματέων τοῦ μέρους τῶν Φαρισαίων διεμάχοντο λέγοντες· Οὐδὲν κακὸν εὑρίσκομεν ἐν τῷ ἀνθρώπῳ τούτῳ· εἰ δὲ πνεῦμα ἐλάλησεν αὐτῷ ἢ ἄγγελος πολλῆς δὲ γινομένης στάσεως φοβηθεὶς ὁ χιλίαρχος μὴ διασπασθῇ ὁ Παῦλος ὑπ’ αὐτῶν ἐκέλευσεν τὸ στράτευμα καταβὰν ἁρπάσαι αὐτὸν ἐκ μέσου αὐτῶν, ἄγειν τε εἰς τὴν παρεμβολήν.

Gnous de ho Paulos hoti to hen meros estin Saddoukaion to de heteron Pharisaion ekrazen en to synedrio; Andres adelphoi, ego Pharisaios eimi, yhios Pharisaion; peri elpidos kai anastaseos nekron ego krinomai. touto de autou lalountos egeneto stasis ton Pharisaion kai Saddoukaion, kai eschisthe to plethos. Saddoukaioi men gar legousin me einai anastasin mete angelon mete pneuma, Pharisaioi de homologousin ta amphotera. egeneto de krauge megale, kai anastantes tines ton grammateon tou merous ton Pharisaion diemachonto legontes; Ouden kakon heuriskomen en to anthropo touto; ei de pneuma elalesen auto e angelos polles de ginomenes staseos phobetheis ho chiliarchos me diaspasthe ho Paulos hyp’ auton ekeleusen to strateuma kataban harpasai auton ek mesou auton, agein te eis ten parembolen.

Τῇ δὲ ἐπιούσῃ νυκτὶ ἐπιστὰς αὐτῷ ὁ κύριος εἶπεν· Θάρσει, ὡς γὰρ διεμαρτύρω τὰ περὶ ἐμοῦ εἰς Ἰερουσαλὴμ οὕτω σε δεῖ καὶ εἰς Ῥώμην μαρτυρῆσαι.

Te de epiouse nykti epistas auto ho kyrios eipen; Tharsei, hos gar diemartyro ta peri emou eis Ierousalem houto se dei kai eis Rhomen martyresai.

Γενομένης δὲ ἡμέρας ποιήσαντες συστροφὴν οἱ Ἰουδαῖοι ἀνεθεμάτισαν ἑαυτοὺς λέγοντες μήτε φαγεῖν μήτε πιεῖν ἕως οὗ ἀποκτείνωσιν τὸν Παῦλον. ἦσαν δὲ πλείους τεσσεράκοντα οἱ ταύτην τὴν συνωμοσίαν ποιησάμενοι· οἵτινες προσελθόντες τοῖς ἀρχιερεῦσιν καὶ τοῖς πρεσβυτέροις εἶπαν· Ἀναθέματι ἀνεθεματίσαμεν ἑαυτοὺς μηδενὸς γεύσασθαι ἕως οὗ ἀποκτείνωμεν τὸν Παῦλον. νῦν οὖν ὑμεῖς ἐμφανίσατε τῷ χιλιάρχῳ σὺν τῷ συνεδρίῳ ὅπως καταγάγῃ αὐτὸν εἰς ὑμᾶς ὡς μέλλοντας διαγινώσκειν ἀκριβέστερον τὰ περὶ αὐτοῦ· ἡμεῖς δὲ πρὸ τοῦ ἐγγίσαι αὐτὸν ἕτοιμοί ἐσμεν τοῦ ἀνελεῖν αὐτόν.

Genomenes de hemeras poiesantes systrophen ohi Ioudaioi anethematisan heautous legontes mete phagein mete piein heos hou apokteinosin ton Paulon. esan de pleious tesserakonta ohi tauten ten synomosian poiesamenoi; ohitines proselthontes tois archiereusin kai tois presbyterois eipan; Anathemati anethematisamen heautous medenos geusasthai heos hou apokteinomen ton Paulon. nyn oun hymeis emphanisate to chiliarcho syn to synedrio hopos katagage auton eis hymas hos mellontas diaginoskein akribesteron ta peri autou; hemeis de pro tou engisai auton hetoimoi esmen tou anelein auton.

Ἀκούσας δὲ ὁ υἱὸς τῆς ἀδελφῆς Παύλου τὴν ἐνέδραν παραγενόμενος καὶ εἰσελθὼν εἰς τὴν παρεμβολὴν ἀπήγγειλεν τῷ Παύλῳ. προσκαλεσάμενος δὲ ὁ Παῦλος ἕνα τῶν ἑκατονταρχῶν ἔφη· Τὸν νεανίαν τοῦτον ἄπαγε πρὸς τὸν χιλίαρχον, ἔχει γὰρ ἀπαγγεῖλαί τι αὐτῷ. ὁ μὲν οὖν παραλαβὼν αὐτὸν ἤγαγεν πρὸς τὸν χιλίαρχον καὶ φησίν· Ὁ δέσμιος Παῦλος προσκαλεσάμενός με ἠρώτησεν τοῦτον τὸν νεανίαν ἀγαγεῖν πρὸς σέ, ἔχοντά τι λαλῆσαί σοι. ἐπιλαβόμενος δὲ τῆς χειρὸς αὐτοῦ ὁ χιλίαρχος καὶ ἀναχωρήσας κατ’ ἰδίαν ἐπυνθάνετο· Τί ἐστιν ὃ ἔχεις ἀπαγγεῖλαί μοι; εἶπεν δὲ ὅτι Οἱ Ἰουδαῖοι συνέθεντο τοῦ ἐρωτῆσαί σε ὅπως αὔριον τὸν Παῦλον καταγάγῃς εἰς τὸ συνέδριον ὡς μέλλον τι ἀκριβέστερον πυνθάνεσθαι περὶ αὐτοῦ· σὺ οὖν μὴ πεισθῇς αὐτοῖς, ἐνεδρεύουσιν γὰρ αὐτὸν ἐξ αὐτῶν ἄνδρες πλείους τεσσεράκοντα, οἵτινες ἀνεθεμάτισαν ἑαυτοὺς μήτε φαγεῖν μήτε πιεῖν ἕως οὗ ἀνέλωσιν αὐτόν, καὶ νῦν εἰσιν ἕτοιμοι προσδεχόμενοι τὴν ἀπὸ σοῦ ἐπαγγελίαν. ὁ μὲν οὖν χιλίαρχος ἀπέλυσε τὸν νεανίσκον παραγγείλας μηδενὶ ἐκλαλῆσαι ὅτι ταῦτα ἐνεφάνισας πρὸς ἐμέ.

Akousas de ho yhios tes adelphes Paulou ten enedran paragenomenos kai eiselthon eis ten parembolen apengeilen to Paulo. proskalesamenos de ho Paulos hena ton hekatontarchon ephe; Ton neanian touton apage pros ton chiliarchon, echei gar apangeilai ti auto. ho men oun paralabon auton egagen pros ton chiliarchon kai phesin; Ho desmios Paulos proskalesamenos me erotesen touton ton neanian agagein pros se, echonta ti lalesai soi. epilabomenos de tes cheiros autou ho chiliarchos kai anachoresas kat’ idian epynthaneto; Ti estin ho echeis apangeilai moi? eipen de hoti Ohi Ioudaioi synethento tou erotesai se hopos aurion ton Paulon katagages eis to synedrion hos mellon ti akribesteron pynthanesthai peri autou; sy oun me peisthes autois, enedreuousin gar auton ex auton andres pleious tesserakonta, ohitines anethematisan heautous mete phagein mete piein heos hou anelosin auton, kai nyn eisin hetoimoi prosdechomenoi ten apo sou epangelian. ho men oun chiliarchos apelyse ton neaniskon parangeilas medeni eklalesai hoti tauta enephanisas pros eme.

Καὶ προσκαλεσάμενός τινας δύο τῶν ἑκατονταρχῶν εἶπεν· Ἑτοιμάσατε στρατιώτας διακοσίους ὅπως πορευθῶσιν ἕως Καισαρείας, καὶ ἱππεῖς ἑβδομήκοντα καὶ δεξιολάβους διακοσίους, ἀπὸ τρίτης ὥρας τῆς νυκτός, κτήνη τε παραστῆσαι ἵνα ἐπιβιβάσαντες τὸν Παῦλον διασώσωσι πρὸς Φήλικα τὸν ἡγεμόνα, γράψας ἐπιστολὴν ἔχουσαν τὸν τύπον τοῦτον· Κλαύδιος Λυσίας τῷ κρατίστῳ ἡγεμόνι Φήλικι χαίρειν. τὸν ἄνδρα τοῦτον συλλημφθέντα ὑπὸ τῶν Ἰουδαίων καὶ μέλλοντα ἀναιρεῖσθαι ὑπ’ αὐτῶν ἐπιστὰς σὺν τῷ στρατεύματι ἐξειλάμην, μαθὼν ὅτι Ῥωμαῖός ἐστιν, βουλόμενός τε ἐπιγνῶναι τὴν αἰτίαν δι’ ἣν ἐνεκάλουν αὐτῷ, κατήγαγον εἰς τὸ συνέδριον αὐτῶν. ὃν εὗρον ἐγκαλούμενον περὶ ζητημάτων τοῦ νόμου αὐτῶν, μηδὲν δὲ ἄξιον θανάτου ἢ δεσμῶν ἔχοντα ἔγκλημα. μηνυθείσης δέ μοι ἐπιβουλῆς εἰς τὸν ἄνδρα ἔσεσθαι ἐξαυτῆς ἔπεμψα πρὸς σέ, παραγγείλας καὶ τοῖς κατηγόροις λέγειν πρὸς αὐτὸν ἐπὶ σοῦ.

Kai proskalesamenos tinas dyo ton hekatontarchon eipen; Hetoimasate stratiotas diakosious hopos poreuthosin heos Kaisareias, kai hippeis hebdomekonta kai dexiolabous diakosious, apo trites horas tes nyktos, ktene te parastesai hina epibibasantes ton Paulon diasososi pros Phelika ton hegemona, grapsas epistolen echousan ton typon touton; Klaudios Lysias to kratisto hegemoni Pheliki chairein. ton andra touton syllemphthenta hypo ton Ioudaion kai mellonta anaireisthai hyp’ auton epistas syn to strateumati exeilamen, mathon hoti Rhomaios estin, boulomenos te epignonai ten aitian di’ hen enekaloun auto, kategagon eis to synedrion auton. hon heuron enkaloumenon peri zetematon tou nomou auton, meden de axion thanatou e desmon echonta enklema. menytheises de moi epiboules eis ton andra esesthai exautes epempsa pros se, parangeilas kai tois kategorois legein pros auton epi sou.

Οἱ μὲν οὖν στρατιῶται κατὰ τὸ διατεταγμένον αὐτοῖς ἀναλαβόντες τὸν Παῦλον ἤγαγον διὰ νυκτὸς εἰς τὴν Ἀντιπατρίδα· τῇ δὲ ἐπαύριον ἐάσαντες τοὺς ἱππεῖς ἀπέρχεσθαι σὺν αὐτῷ ὑπέστρεψαν εἰς τὴν παρεμβολήν· οἵτινες εἰσελθόντες εἰς τὴν Καισάρειαν καὶ ἀναδόντες τὴν ἐπιστολὴν τῷ ἡγεμόνι παρέστησαν καὶ τὸν Παῦλον αὐτῷ. ἀναγνοὺς δὲ καὶ ἐπερωτήσας ἐκ ποίας ἐπαρχείας ἐστὶν καὶ πυθόμενος ὅτι ἀπὸ Κιλικίας, Διακούσομαί σου, ἔφη, ὅταν καὶ οἱ κατήγοροί σου παραγένωνται· κελεύσας ἐν τῷ πραιτωρίῳ τοῦ Ἡρῴδου φυλάσσεσθαι αὐτόν.

Ohi men oun stratiotai kata to diatetagmenon autois analabontes ton Paulon egagon dia nyktos eis ten Antipatrida; te de epaurion easantes tous hippeis aperchesthai syn auto hypestrepsan eis ten parembolen; ohitines eiselthontes eis ten Kaisareian kai anadontes ten epistolen to hegemoni parestesan kai ton Paulon auto. anagnous de kai eperotesas ek poias eparcheias estin kai pythomenos hoti apo Kilikias, Diakousomai sou, ephe, hotan kai ohi kategoroi sou paragenontai; keleusas en to praitorio tou Herodou phylassesthai auton.