Buch 4, § 16 — Neues Testament

Ταῦτα λελάληκα ὑμῖν ἵνα μὴ σκανδαλισθῆτε. ἀποσυναγώγους ποιήσουσιν ὑμᾶς· ἀλλ’ ἔρχεται ὥρα ἵνα πᾶς ὁ ἀποκτείνας ὑμᾶς δόξῃ λατρείαν προσφέρειν τῷ θεῷ. καὶ ταῦτα ποιήσουσιν ὅτι οὐκ ἔγνωσαν τὸν πατέρα οὐδὲ ἐμέ. ἀλλὰ ταῦτα λελάληκα ὑμῖν ἵνα ὅταν ἔλθῃ ἡ ὥρα αὐτῶν μνημονεύητε αὐτῶν ὅτι ἐγὼ εἶπον ὑμῖν.

Tauta lelaleka hymin hina me skandalisthete. aposynagogous poiesousin hymas; all’ erchetai hora hina pas ho apokteinas hymas doxe latreian prospherein to theo. kai tauta poiesousin hoti ouk egnosan ton patera oude eme. alla tauta lelaleka hymin hina hotan elthe he hora auton mnemoneuete auton hoti ego eipon hymin.

Ταῦτα δὲ ὑμῖν ἐξ ἀρχῆς οὐκ εἶπον, ὅτι μεθ’ ὑμῶν ἤμην. νῦν δὲ ὑπάγω πρὸς τὸν πέμψαντά με καὶ οὐδεὶς ἐξ ὑμῶν ἐρωτᾷ με· Ποῦ ὑπάγεις; ἀλλ’ ὅτι ταῦτα λελάληκα ὑμῖν ἡ λύπη πεπλήρωκεν ὑμῶν τὴν καρδίαν. ἀλλ’ ἐγὼ τὴν ἀλήθειαν λέγω ὑμῖν, συμφέρει ὑμῖν ἵνα ἐγὼ ἀπέλθω. ἐὰν γὰρ μὴ ἀπέλθω, ὁ παράκλητος οὐ μὴ ἔλθῃ πρὸς ὑμᾶς· ἐὰν δὲ πορευθῶ, πέμψω αὐτὸν πρὸς ὑμᾶς. καὶ ἐλθὼν ἐκεῖνος ἐλέγξει τὸν κόσμον περὶ ἁμαρτίας καὶ περὶ δικαιοσύνης καὶ περὶ κρίσεως· περὶ ἁμαρτίας μέν, ὅτι οὐ πιστεύουσιν εἰς ἐμέ· περὶ δικαιοσύνης δέ, ὅτι πρὸς τὸν πατέρα ὑπάγω καὶ οὐκέτι θεωρεῖτέ με· περὶ δὲ κρίσεως, ὅτι ὁ ἄρχων τοῦ κόσμου τούτου κέκριται.

Tauta de hymin ex arches ouk eipon, hoti meth’ hymon emen. nyn de hypago pros ton pempsanta me kai oudeis ex hymon erota me; Pou hypageis? all’ hoti tauta lelaleka hymin he lype pepleroken hymon ten kardian. all’ ego ten aletheian lego hymin, sympherei hymin hina ego apeltho. ean gar me apeltho, ho parakletos ou me elthe pros hymas; ean de poreutho, pempso auton pros hymas. kai elthon ekeinos elenxei ton kosmon peri hamartias kai peri dikaiosynes kai peri kriseos; peri hamartias men, hoti ou pisteuousin eis eme; peri dikaiosynes de, hoti pros ton patera hypago kai ouketi theoreite me; peri de kriseos, hoti ho archon tou kosmou toutou kekritai.

Ἔτι πολλὰ ἔχω ὑμῖν λέγειν, ἀλλ’ οὐ δύνασθε βαστάζειν ἄρτι· ὅταν δὲ ἔλθῃ ἐκεῖνος, τὸ πνεῦμα τῆς ἀληθείας, ὁδηγήσει ὑμᾶς ἐν τῇ ἀληθείᾳ πάσῃ, οὐ γὰρ λαλήσει ἀφ’ ἑαυτοῦ, ἀλλ’ ὅσα ἀκούσει λαλήσει, καὶ τὰ ἐρχόμενα ἀναγγελεῖ ὑμῖν. ἐκεῖνος ἐμὲ δοξάσει, ὅτι ἐκ τοῦ ἐμοῦ λήμψεται καὶ ἀναγγελεῖ ὑμῖν. πάντα ὅσα ἔχει ὁ πατὴρ ἐμά ἐστιν· διὰ τοῦτο εἶπον ὅτι ἐκ τοῦ ἐμοῦ λαμβάνει καὶ ἀναγγελεῖ ὑμῖν.

Eti polla echo hymin legein, all’ ou dynasthe bastazein arti; hotan de elthe ekeinos, to pneuma tes aletheias, hodegesei hymas en te aletheia pase, ou gar lalesei aph’ heautou, all’ hosa akousei lalesei, kai ta erchomena anangelei hymin. ekeinos eme doxasei, hoti ek tou emou lempsetai kai anangelei hymin. panta hosa echei ho pater ema estin; dia touto eipon hoti ek tou emou lambanei kai anangelei hymin.

Μικρὸν καὶ οὐκέτι θεωρεῖτέ με, καὶ πάλιν μικρὸν καὶ ὄψεσθέ με. εἶπαν οὖν ἐκ τῶν μαθητῶν αὐτοῦ πρὸς ἀλλήλους· Τί ἐστιν τοῦτο ὃ λέγει ἡμῖν· Μικρὸν καὶ οὐ θεωρεῖτέ με, καὶ πάλιν μικρὸν καὶ ὄψεσθέ με; καί· Ὅτι ὑπάγω πρὸς τὸν πατέρα; ἔλεγον οὖν· Τί ἐστιν τοῦτο ὃ λέγει μικρόν; οὐκ οἴδαμεν τί λαλεῖ. ἔγνω Ἰησοῦς ὅτι ἤθελον αὐτὸν ἐρωτᾶν, καὶ εἶπεν αὐτοῖς· Περὶ τούτου ζητεῖτε μετ’ ἀλλήλων ὅτι εἶπον· Μικρὸν καὶ οὐ θεωρεῖτέ με, καὶ πάλιν μικρὸν καὶ ὄψεσθέ με; ἀμὴν ἀμὴν λέγω ὑμῖν ὅτι κλαύσετε καὶ θρηνήσετε ὑμεῖς, ὁ δὲ κόσμος χαρήσεται· ὑμεῖς λυπηθήσεσθε, ἀλλ’ ἡ λύπη ὑμῶν εἰς χαρὰν γενήσεται. ἡ γυνὴ ὅταν τίκτῃ λύπην ἔχει, ὅτι ἦλθεν ἡ ὥρα αὐτῆς· ὅταν δὲ γεννήσῃ τὸ παιδίον, οὐκέτι μνημονεύει τῆς θλίψεως διὰ τὴν χαρὰν ὅτι ἐγεννήθη ἄνθρωπος εἰς τὸν κόσμον. καὶ ὑμεῖς οὖν νῦν μὲν λύπην ἔχετε· πάλιν δὲ ὄψομαι ὑμᾶς, καὶ χαρήσεται ὑμῶν ἡ καρδία, καὶ τὴν χαρὰν ὑμῶν οὐδεὶς αἴρει ἀφ’ ὑμῶν. καὶ ἐν ἐκείνῃ τῇ ἡμέρᾳ ἐμὲ οὐκ ἐρωτήσετε οὐδέν· ἀμὴν ἀμὴν λέγω ὑμῖν, ἄν τι αἰτήσητε τὸν πατέρα δώσει ὑμῖν ἐν τῷ ὀνόματί μου. ἕως ἄρτι οὐκ ᾐτήσατε οὐδὲν ἐν τῷ ὀνόματί μου· αἰτεῖτε καὶ λήμψεσθε, ἵνα ἡ χαρὰ ὑμῶν ᾖ πεπληρωμένη.

Mikron kai ouketi theoreite me, kai palin mikron kai opsesthe me. eipan oun ek ton matheton autou pros allelous; Ti estin touto ho legei hemin; Mikron kai ou theoreite me, kai palin mikron kai opsesthe me? kai; Hoti hypago pros ton patera? elegon oun; Ti estin touto ho legei mikron? ouk oidamen ti lalei. egno Iesous hoti ethelon auton erotan, kai eipen autois; Peri toutou zeteite met’ allelon hoti eipon; Mikron kai ou theoreite me, kai palin mikron kai opsesthe me? amen amen lego hymin hoti klausete kai threnesete hymeis, ho de kosmos charesetai; hymeis lypethesesthe, all’ he lype hymon eis charan genesetai. he gyne hotan tikte lypen echei, hoti elthen he hora autes; hotan de gennese to paidion, ouketi mnemoneuei tes thlipseos dia ten charan hoti egennethe anthropos eis ton kosmon. kai hymeis oun nyn men lypen echete; palin de opsomai hymas, kai charesetai hymon he kardia, kai ten charan hymon oudeis airei aph’ hymon. kai en ekeine te hemera eme ouk erotesete ouden; amen amen lego hymin, an ti aitesete ton patera dosei hymin en to onomati mou. heos arti ouk etesate ouden en to onomati mou; aiteite kai lempsesthe, hina he chara hymon e pepleromene.

Ταῦτα ἐν παροιμίαις λελάληκα ὑμῖν· ἔρχεται ὥρα ὅτε οὐκέτι ἐν παροιμίαις λαλήσω ὑμῖν ἀλλὰ παρρησίᾳ περὶ τοῦ πατρὸς ἀπαγγελῶ ὑμῖν. ἐν ἐκείνῃ τῇ ἡμέρᾳ ἐν τῷ ὀνόματί μου αἰτήσεσθε, καὶ οὐ λέγω ὑμῖν ὅτι ἐγὼ ἐρωτήσω τὸν πατέρα περὶ ὑμῶν· αὐτὸς γὰρ ὁ πατὴρ φιλεῖ ὑμᾶς, ὅτι ὑμεῖς ἐμὲ πεφιλήκατε καὶ πεπιστεύκατε ὅτι ἐγὼ παρὰ τοῦ θεοῦ ἐξῆλθον. ἐξῆλθον ἐκ τοῦ πατρὸς καὶ ἐλήλυθα εἰς τὸν κόσμον· πάλιν ἀφίημι τὸν κόσμον καὶ πορεύομαι πρὸς τὸν πατέρα.

Tauta en paroimiais lelaleka hymin; erchetai hora hote ouketi en paroimiais laleso hymin alla parresia peri tou patros apangelo hymin. en ekeine te hemera en to onomati mou aitesesthe, kai ou lego hymin hoti ego eroteso ton patera peri hymon; autos gar ho pater philei hymas, hoti hymeis eme pephilekate kai pepisteukate hoti ego para tou theou exelthon. exelthon ek tou patros kai elelytha eis ton kosmon; palin aphiemi ton kosmon kai poreuomai pros ton patera.

Λέγουσιν οἱ μαθηταὶ αὐτοῦ· Ἴδε νῦν ἐν παρρησίᾳ λαλεῖς, καὶ παροιμίαν οὐδεμίαν λέγεις. νῦν οἴδαμεν ὅτι οἶδας πάντα καὶ οὐ χρείαν ἔχεις ἵνα τίς σε ἐρωτᾷ· ἐν τούτῳ πιστεύομεν ὅτι ἀπὸ θεοῦ ἐξῆλθες. ἀπεκρίθη αὐτοῖς Ἰησοῦς· Ἄρτι πιστεύετε; ἰδοὺ ἔρχεται ὥρα καὶ ἐλήλυθεν ἵνα σκορπισθῆτε ἕκαστος εἰς τὰ ἴδια κἀμὲ μόνον ἀφῆτε· καὶ οὐκ εἰμὶ μόνος, ὅτι ὁ πατὴρ μετ’ ἐμοῦ ἐστιν. ταῦτα λελάληκα ὑμῖν ἵνα ἐν ἐμοὶ εἰρήνην ἔχητε· ἐν τῷ κόσμῳ θλῖψιν ἔχετε, ἀλλὰ θαρσεῖτε, ἐγὼ νενίκηκα τὸν κόσμον.

Legousin ohi mathetai autou; Ide nyn en parresia laleis, kai paroimian oudemian legeis. nyn oidamen hoti oidas panta kai ou chreian echeis hina tis se erota; en touto pisteuomen hoti apo theou exelthes. apekrithe autois Iesous; Arti pisteuete? idou erchetai hora kai elelythen hina skorpisthete hekastos eis ta idia kame monon aphete; kai ouk eimi monos, hoti ho pater met’ emou estin. tauta lelaleka hymin hina en emoi eirenen echete; en to kosmo thlipsin echete, alla tharseite, ego nenikeka ton kosmon.