Buch 2, § 10 — Neues Testament

Καὶ ἐκεῖθεν ἀναστὰς ἔρχεται εἰς τὰ ὅρια τῆς Ἰουδαίας καὶ πέραν τοῦ Ἰορδάνου, καὶ συμπορεύονται πάλιν ὄχλοι πρὸς αὐτόν, καὶ ὡς εἰώθει πάλιν ἐδίδασκεν αὐτούς.

Kai ekeithen anastas erchetai eis ta horia tes Ioudaias kai peran tou Iordanou, kai symporeuontai palin ochloi pros auton, kai hos eiothei palin edidasken autous.

Καὶ ἐπηρώτων αὐτὸν εἰ ἔξεστιν ἀνδρὶ γυναῖκα ἀπολῦσαι, πειράζοντες αὐτόν. ὁ δὲ ἀποκριθεὶς εἶπεν αὐτοῖς· Τί ὑμῖν ἐνετείλατο Μωϋσῆς; οἱ δὲ εἶπαν· Ἐπέτρεψεν Μωϋσῆς βιβλίον ἀποστασίου γράψαι καὶ ἀπολῦσαι. ὁ δὲ Ἰησοῦς εἶπεν αὐτοῖς· Πρὸς τὴν σκληροκαρδίαν ὑμῶν ἔγραψεν ὑμῖν τὴν ἐντολὴν ταύτην· ἀπὸ δὲ ἀρχῆς κτίσεως ἄρσεν καὶ θῆλυ ἐποίησεν αὐτούς· ἕνεκεν τούτου καταλείψει ἄνθρωπος τὸν πατέρα αὐτοῦ καὶ τὴν μητέρα καὶ προσκολληθήσεται πρὸς τὴν γυναῖκα αὐτοῦ, καὶ ἔσονται οἱ δύο εἰς σάρκα μίαν· ὥστε οὐκέτι εἰσὶν δύο ἀλλὰ μία σάρξ· ὃ οὖν ὁ θεὸς συνέζευξεν ἄνθρωπος μὴ χωριζέτω.

Kai eperoton auton ei exestin andri gynaika apolysai, peirazontes auton. ho de apokritheis eipen autois; Ti hymin eneteilato Moyses? ohi de eipan; Epetrepsen Moyses biblion apostasiou grapsai kai apolysai. ho de Iesous eipen autois; Pros ten sklerokardian hymon egrapsen hymin ten entolen tauten; apo de arches ktiseos arsen kai thely epoiesen autous; heneken toutou kataleipsei anthropos ton patera autou kai ten metera kai proskollethesetai pros ten gynaika autou, kai esontai ohi dyo eis sarka mian; hoste ouketi eisin dyo alla mia sarx; ho oun ho theos synezeuxen anthropos me chorizeto.

Καὶ εἰς τὴν οἰκίαν πάλιν οἱ μαθηταὶ περὶ τούτου ἐπηρώτων αὐτόν. καὶ λέγει αὐτοῖς· Ὃς ἂν ἀπολύσῃ τὴν γυναῖκα αὐτοῦ καὶ γαμήσῃ ἄλλην μοιχᾶται ἐπ’ αὐτήν, καὶ ἐὰν αὐτὴ ἀπολύσασα τὸν ἄνδρα αὐτῆς γαμήσῃ ἄλλον μοιχᾶται.

Kai eis ten oikian palin ohi mathetai peri toutou eperoton auton. kai legei autois; Hos an apolyse ten gynaika autou kai gamese allen moichatai ep’ auten, kai ean aute apolysasa ton andra autes gamese allon moichatai.

Καὶ προσέφερον αὐτῷ παιδία ἵνα αὐτῶν ἅψηται· οἱ δὲ μαθηταὶ ἐπετίμησαν αὐτοῖς. ἰδὼν δὲ ὁ Ἰησοῦς ἠγανάκτησεν καὶ εἶπεν αὐτοῖς· Ἄφετε τὰ παιδία ἔρχεσθαι πρός με, μὴ κωλύετε αὐτά, τῶν γὰρ τοιούτων ἐστὶν ἡ βασιλεία τοῦ θεοῦ. ἀμὴν λέγω ὑμῖν, ὃς ἂν μὴ δέξηται τὴν βασιλείαν τοῦ θεοῦ ὡς παιδίον, οὐ μὴ εἰσέλθῃ εἰς αὐτήν. καὶ ἐναγκαλισάμενος αὐτὰ κατευλόγει τιθεὶς τὰς χεῖρας ἐπ’ αὐτά.

Kai prosepheron auto paidia hina auton hapsetai; ohi de mathetai epetimesan autois. idon de ho Iesous eganaktesen kai eipen autois; Aphete ta paidia erchesthai pros me, me kolyete auta, ton gar toiouton estin he basileia tou theou. amen lego hymin, hos an me dexetai ten basileian tou theou hos paidion, ou me eiselthe eis auten. kai enankalisamenos auta kateulogei titheis tas cheiras ep’ auta.

Καὶ ἐκπορευομένου αὐτοῦ εἰς ὁδὸν προσδραμὼν εἷς καὶ γονυπετήσας αὐτὸν ἐπηρώτα αὐτόν· Διδάσκαλε ἀγαθέ, τί ποιήσω ἵνα ζωὴν αἰώνιον κληρονομήσω; ὁ δὲ Ἰησοῦς εἶπεν αὐτῷ· Τί με λέγεις ἀγαθόν; οὐδεὶς ἀγαθὸς εἰ μὴ εἷς ὁ θεός. τὰς ἐντολὰς οἶδας· Μὴ φονεύσῃς, Μὴ μοιχεύσῃς, Μὴ κλέψῃς, Μὴ ψευδομαρτυρήσῃς, Μὴ ἀποστερήσῃς, Τίμα τὸν πατέρα σου καὶ τὴν μητέρα. ὁ δὲ ἔφη αὐτῷ· Διδάσκαλε, ταῦτα πάντα ἐφυλαξάμην ἐκ νεότητός μου. ὁ δὲ Ἰησοῦς ἐμβλέψας αὐτῷ ἠγάπησεν αὐτὸν καὶ εἶπεν αὐτῷ· Ἕν σε ὑστερεῖ· ὕπαγε ὅσα ἔχεις πώλησον καὶ δὸς τοῖς πτωχοῖς, καὶ ἕξεις θησαυρὸν ἐν οὐρανῷ, καὶ δεῦρο ἀκολούθει μοι. ὁ δὲ στυγνάσας ἐπὶ τῷ λόγῳ ἀπῆλθεν λυπούμενος, ἦν γὰρ ἔχων κτήματα πολλά.

Kai ekporeuomenou autou eis hodon prosdramon ehis kai gonypetesas auton eperota auton; Didaskale agathe, ti poieso hina zoen aionion kleronomeso? ho de Iesous eipen auto; Ti me legeis agathon? oudeis agathos ei me ehis ho theos. tas entolas oidas; Me phoneuses, Me moicheuses, Me klepses, Me pseudomartyreses, Me apostereses, Tima ton patera sou kai ten metera. ho de ephe auto; Didaskale, tauta panta ephylaxamen ek neotetos mou. ho de Iesous emblepsas auto egapesen auton kai eipen auto; Hen se hysterei; hypage hosa echeis poleson kai dos tois ptochois, kai hexeis thesauron en ourano, kai deuro akolouthei moi. ho de stygnasas epi to logo apelthen lypoumenos, en gar echon ktemata polla.

Καὶ περιβλεψάμενος ὁ Ἰησοῦς λέγει τοῖς μαθηταῖς αὐτοῦ· Πῶς δυσκόλως οἱ τὰ χρήματα ἔχοντες εἰς τὴν βασιλείαν τοῦ θεοῦ εἰσελεύσονται. οἱ δὲ μαθηταὶ ἐθαμβοῦντο ἐπὶ τοῖς λόγοις αὐτοῦ. ὁ δὲ Ἰησοῦς πάλιν ἀποκριθεὶς λέγει αὐτοῖς· Τέκνα, πῶς δύσκολόν ἐστιν εἰς τὴν βασιλείαν τοῦ θεοῦ εἰσελθεῖν· εὐκοπώτερόν ἐστιν κάμηλον διὰ τῆς τρυμαλιᾶς τῆς ῥαφίδος διελθεῖν ἢ πλούσιον εἰς τὴν βασιλείαν τοῦ θεοῦ εἰσελθεῖν. οἱ δὲ περισσῶς ἐξεπλήσσοντο λέγοντες πρὸς ἑαυτούς· Καὶ τίς δύναται σωθῆναι; ἐμβλέψας αὐτοῖς ὁ Ἰησοῦς λέγει· Παρὰ ἀνθρώποις ἀδύνατον ἀλλ’ οὐ παρὰ θεῷ, πάντα γὰρ δυνατὰ παρὰ τῷ θεῷ.

Kai periblepsamenos ho Iesous legei tois mathetais autou; Pos dyskolos ohi ta chremata echontes eis ten basileian tou theou eiseleusontai. ohi de mathetai ethambounto epi tois logois autou. ho de Iesous palin apokritheis legei autois; Tekna, pos dyskolon estin eis ten basileian tou theou eiselthein; eukopoteron estin kamelon dia tes trymalias tes rhaphidos dielthein e plousion eis ten basileian tou theou eiselthein. ohi de perissos exeplessonto legontes pros heautous; Kai tis dynatai sothenai? emblepsas autois ho Iesous legei; Para anthropois adynaton all’ ou para theo, panta gar dynata para to theo.

Ἤρξατο λέγειν ὁ Πέτρος αὐτῷ· Ἰδοὺ ἡμεῖς ἀφήκαμεν πάντα καὶ ἠκολουθήκαμέν σοι. ἔφη ὁ Ἰησοῦς· Ἀμὴν λέγω ὑμῖν, οὐδείς ἐστιν ὃς ἀφῆκεν οἰκίαν ἢ ἀδελφοὺς ἢ ἀδελφὰς ἢ μητέρα ἢ πατέρα ἢ τέκνα ἢ ἀγροὺς ἕνεκεν ἐμοῦ καὶ ἕνεκεν τοῦ εὐαγγελίου, ἐὰν μὴ λάβῃ ἑκατονταπλασίονα νῦν ἐν τῷ καιρῷ τούτῳ οἰκίας καὶ ἀδελφοὺς καὶ ἀδελφὰς καὶ μητέρας καὶ τέκνα καὶ ἀγροὺς μετὰ διωγμῶν, καὶ ἐν τῷ αἰῶνι τῷ ἐρχομένῳ ζωὴν αἰώνιον. πολλοὶ δὲ ἔσονται πρῶτοι ἔσχατοι καὶ οἱ ἔσχατοι πρῶτοι.

Erxato legein ho Petros auto; Idou hemeis aphekamen panta kai ekolouthekamen soi. ephe ho Iesous; Amen lego hymin, oudeis estin hos apheken oikian e adelphous e adelphas e metera e patera e tekna e agrous heneken emou kai heneken tou euangeliou, ean me labe hekatontaplasiona nyn en to kairo touto oikias kai adelphous kai adelphas kai meteras kai tekna kai agrous meta diogmon, kai en to aioni to erchomeno zoen aionion. polloi de esontai protoi eschatoi kai ohi eschatoi protoi.

Ἦσαν δὲ ἐν τῇ ὁδῷ ἀναβαίνοντες εἰς Ἱεροσόλυμα, καὶ ἦν προάγων αὐτοὺς ὁ Ἰησοῦς, καὶ ἐθαμβοῦντο, οἱ δὲ ἀκολουθοῦντες ἐφοβοῦντο. καὶ παραλαβὼν πάλιν τοὺς δώδεκα ἤρξατο αὐτοῖς λέγειν τὰ μέλλοντα αὐτῷ συμβαίνειν ὅτι Ἰδοὺ ἀναβαίνομεν εἰς Ἱεροσόλυμα, καὶ ὁ υἱὸς τοῦ ἀνθρώπου παραδοθήσεται τοῖς ἀρχιερεῦσιν καὶ τοῖς γραμματεῦσιν, καὶ κατακρινοῦσιν αὐτὸν θανάτῳ καὶ παραδώσουσιν αὐτὸν τοῖς ἔθνεσιν καὶ ἐμπαίξουσιν αὐτῷ καὶ ἐμπτύσουσιν αὐτῷ καὶ μαστιγώσουσιν αὐτὸν καὶ ἀποκτενοῦσιν, καὶ μετὰ τρεῖς ἡμέρας ἀναστήσεται.

Esan de en te hodo anabainontes eis Hierosolyma, kai en proagon autous ho Iesous, kai ethambounto, ohi de akolouthountes ephobounto. kai paralabon palin tous dodeka erxato autois legein ta mellonta auto symbainein hoti Idou anabainomen eis Hierosolyma, kai ho yhios tou anthropou paradothesetai tois archiereusin kai tois grammateusin, kai katakrinousin auton thanato kai paradosousin auton tois ethnesin kai empaixousin auto kai emptysousin auto kai mastigosousin auton kai apoktenousin, kai meta treis hemeras anastesetai.

Καὶ προσπορεύονται αὐτῷ Ἰάκωβος καὶ Ἰωάννης οἱ υἱοὶ Ζεβεδαίου λέγοντες αὐτῷ· Διδάσκαλε, θέλομεν ἵνα ὃ ἐὰν αἰτήσωμέν σε ποιήσῃς ἡμῖν. ὁ δὲ εἶπεν αὐτοῖς· Τί θέλετε ποιήσω ὑμῖν; οἱ δὲ εἶπαν αὐτῷ· Δὸς ἡμῖν ἵνα εἷς σου ἐκ δεξιῶν καὶ εἷς ἐξ ἀριστερῶν καθίσωμεν ἐν τῇ δόξῃ σου. ὁ δὲ Ἰησοῦς εἶπεν αὐτοῖς· Οὐκ οἴδατε τί αἰτεῖσθε· δύνασθε πιεῖν τὸ ποτήριον ὃ ἐγὼ πίνω, ἢ τὸ βάπτισμα ὃ ἐγὼ βαπτίζομαι βαπτισθῆναι; οἱ δὲ εἶπαν αὐτῷ· Δυνάμεθα. ὁ δὲ Ἰησοῦς εἶπεν αὐτοῖς· Τὸ ποτήριον ὃ ἐγὼ πίνω πίεσθε καὶ τὸ βάπτισμα ὃ ἐγὼ βαπτίζομαι βαπτισθήσεσθε, τὸ δὲ καθίσαι ἐκ δεξιῶν μου ἢ ἐξ εὐωνύμων οὐκ ἔστιν ἐμὸν δοῦναι, ἀλλ’ οἷς ἡτοίμασται.

Kai prosporeuontai auto Iakobos kai Ioannes ohi yhioi Zebedaiou legontes auto; Didaskale, thelomen hina ho ean aitesomen se poieses hemin. ho de eipen autois; Ti thelete poieso hymin? ohi de eipan auto; Dos hemin hina ehis sou ek dexion kai ehis ex aristeron kathisomen en te doxe sou. ho de Iesous eipen autois; Ouk oidate ti aiteisthe; dynasthe piein to poterion ho ego pino, e to baptisma ho ego baptizomai baptisthenai? ohi de eipan auto; Dynametha. ho de Iesous eipen autois; To poterion ho ego pino piesthe kai to baptisma ho ego baptizomai baptisthesesthe, to de kathisai ek dexion mou e ex euonymon ouk estin emon dounai, all’ ohis hetoimastai.

Καὶ ἀκούσαντες οἱ δέκα ἤρξαντο ἀγανακτεῖν περὶ Ἰακώβου καὶ Ἰωάννου. καὶ προσκαλεσάμενος αὐτοὺς ὁ Ἰησοῦς λέγει αὐτοῖς· Οἴδατε ὅτι οἱ δοκοῦντες ἄρχειν τῶν ἐθνῶν κατακυριεύουσιν αὐτῶν καὶ οἱ μεγάλοι αὐτῶν κατεξουσιάζουσιν αὐτῶν. οὐχ οὕτως δέ ἐστιν ἐν ὑμῖν· ἀλλ’ ὃς ἂν θέλῃ μέγας γενέσθαι ἐν ὑμῖν, ἔσται ὑμῶν διάκονος, καὶ ὃς ἂν θέλῃ ἐν ὑμῖν εἶναι πρῶτος, ἔσται πάντων δοῦλος· καὶ γὰρ ὁ υἱὸς τοῦ ἀνθρώπου οὐκ ἦλθεν διακονηθῆναι ἀλλὰ διακονῆσαι καὶ δοῦναι τὴν ψυχὴν αὐτοῦ λύτρον ἀντὶ πολλῶν.

Kai akousantes ohi deka erxanto aganaktein peri Iakobou kai Ioannou. kai proskalesamenos autous ho Iesous legei autois; Oidate hoti ohi dokountes archein ton ethnon katakyrieuousin auton kai ohi megaloi auton katexousiazousin auton. ouch houtos de estin en hymin; all’ hos an thele megas genesthai en hymin, estai hymon diakonos, kai hos an thele en hymin einai protos, estai panton doulos; kai gar ho yhios tou anthropou ouk elthen diakonethenai alla diakonesai kai dounai ten psychen autou lytron anti pollon.

Καὶ ἔρχονται εἰς Ἰεριχώ. καὶ ἐκπορευομένου αὐτοῦ ἀπὸ Ἰεριχὼ καὶ τῶν μαθητῶν αὐτοῦ καὶ ὄχλου ἱκανοῦ ὁ υἱὸς Τιμαίου Βαρτιμαῖος τυφλὸς προσαίτης ἐκάθητο παρὰ τὴν ὁδόν. καὶ ἀκούσας ὅτι Ἰησοῦς ὁ Ναζαρηνός ἐστιν ἤρξατο κράζειν καὶ λέγειν· Υἱὲ Δαυὶδ Ἰησοῦ, ἐλέησόν με. καὶ ἐπετίμων αὐτῷ πολλοὶ ἵνα σιωπήσῃ· ὁ δὲ πολλῷ μᾶλλον ἔκραζεν· Υἱὲ Δαυίδ, ἐλέησόν με. καὶ στὰς ὁ Ἰησοῦς εἶπεν· Φωνήσατε αὐτόν. καὶ φωνοῦσι τὸν τυφλὸν λέγοντες αὐτῷ· Θάρσει, ἔγειρε, φωνεῖ σε. ὁ δὲ ἀποβαλὼν τὸ ἱμάτιον αὐτοῦ ἀναπηδήσας ἦλθεν πρὸς τὸν Ἰησοῦν. καὶ ἀποκριθεὶς αὐτῷ ὁ Ἰησοῦς εἶπεν· Τί σοι θέλεις ποιήσω; ὁ δὲ τυφλὸς εἶπεν αὐτῷ· Ραββουνι, ἵνα ἀναβλέψω. καὶ ὁ Ἰησοῦς εἶπεν αὐτῷ· Ὕπαγε, ἡ πίστις σου σέσωκέν σε. καὶ εὐθὺς ἀνέβλεψεν, καὶ ἠκολούθει αὐτῷ ἐν τῇ ὁδῷ.

Kai erchontai eis Iericho. kai ekporeuomenou autou apo Iericho kai ton matheton autou kai ochlou hikanou ho yhios Timaiou Bartimaios typhlos prosaites ekatheto para ten hodon. kai akousas hoti Iesous ho Nazarenos estin erxato krazein kai legein; Yhie Dauid Iesou, eleeson me. kai epetimon auto polloi hina siopese; ho de pollo mallon ekrazen; Yhie Dauid, eleeson me. kai stas ho Iesous eipen; Phonesate auton. kai phonousi ton typhlon legontes auto; Tharsei, egeire, phonei se. ho de apobalon to himation autou anapedesas elthen pros ton Iesoun. kai apokritheis auto ho Iesous eipen; Ti soi theleis poieso? ho de typhlos eipen auto; Rabbouni, hina anablepso. kai ho Iesous eipen auto; Hypage, he pistis sou sesoken se. kai euthys aneblepsen, kai ekolouthei auto en te hodo.