Buch 13, § 2 — Neues Testament

Αὐτοὶ γὰρ οἴδατε, ἀδελφοί, τὴν εἴσοδον ἡμῶν τὴν πρὸς ὑμᾶς ὅτι οὐ κενὴ γέγονεν, ἀλλὰ προπαθόντες καὶ ὑβρισθέντες καθὼς οἴδατε ἐν Φιλίπποις ἐπαρρησιασάμεθα ἐν τῷ θεῷ ἡμῶν λαλῆσαι πρὸς ὑμᾶς τὸ εὐαγγέλιον τοῦ θεοῦ ἐν πολλῷ ἀγῶνι. ἡ γὰρ παράκλησις ἡμῶν οὐκ ἐκ πλάνης οὐδὲ ἐξ ἀκαθαρσίας οὐδὲ ἐν δόλῳ, ἀλλὰ καθὼς δεδοκιμάσμεθα ὑπὸ τοῦ θεοῦ πιστευθῆναι τὸ εὐαγγέλιον οὕτως λαλοῦμεν, οὐχ ὡς ἀνθρώποις ἀρέσκοντες ἀλλὰ θεῷ τῷ δοκιμάζοντι τὰς καρδίας ἡμῶν. οὔτε γάρ ποτε ἐν λόγῳ κολακείας ἐγενήθημεν, καθὼς οἴδατε, οὔτε ἐν προφάσει πλεονεξίας, θεὸς μάρτυς, οὔτε ζητοῦντες ἐξ ἀνθρώπων δόξαν, οὔτε ἀφ’ ὑμῶν οὔτε ἀπ’ ἄλλων, δυνάμενοι ἐν βάρει εἶναι ὡς Χριστοῦ ἀπόστολοι· ἀλλὰ ἐγενήθημεν ἤπιοι ἐν μέσῳ ὑμῶν, ὡς ἐὰν τροφὸς θάλπῃ τὰ ἑαυτῆς τέκνα· οὕτως ὁμειρόμενοι ὑμῶν εὐδοκοῦμεν μεταδοῦναι ὑμῖν οὐ μόνον τὸ εὐαγγέλιον τοῦ θεοῦ ἀλλὰ καὶ τὰς ἑαυτῶν ψυχάς, διότι ἀγαπητοὶ ἡμῖν ἐγενήθητε.

Autoi gar oidate, adelphoi, ten eisodon hemon ten pros hymas hoti ou kene gegonen, alla propathontes kai hybristhentes kathos oidate en Philippois eparresiasametha en to theo hemon lalesai pros hymas to euangelion tou theou en pollo agoni. he gar paraklesis hemon ouk ek planes oude ex akatharsias oude en dolo, alla kathos dedokimasmetha hypo tou theou pisteuthenai to euangelion houtos laloumen, ouch hos anthropois areskontes alla theo to dokimazonti tas kardias hemon. oute gar pote en logo kolakeias egenethemen, kathos oidate, oute en prophasei pleonexias, theos martys, oute zetountes ex anthropon doxan, oute aph’ hymon oute ap’ allon, dynamenoi en barei einai hos Christou apostoloi; alla egenethemen epioi en meso hymon, hos ean trophos thalpe ta heautes tekna; houtos homeiromenoi hymon eudokoumen metadounai hymin ou monon to euangelion tou theou alla kai tas heauton psychas, dioti agapetoi hemin egenethete.

Μνημονεύετε γάρ, ἀδελφοί, τὸν κόπον ἡμῶν καὶ τὸν μόχθον· νυκτὸς καὶ ἡμέρας ἐργαζόμενοι πρὸς τὸ μὴ ἐπιβαρῆσαί τινα ὑμῶν ἐκηρύξαμεν εἰς ὑμᾶς τὸ εὐαγγέλιον τοῦ θεοῦ. ὑμεῖς μάρτυρες καὶ ὁ θεός, ὡς ὁσίως καὶ δικαίως καὶ ἀμέμπτως ὑμῖν τοῖς πιστεύουσιν ἐγενήθημεν, καθάπερ οἴδατε ὡς ἕνα ἕκαστον ὑμῶν ὡς πατὴρ τέκνα ἑαυτοῦ παρακαλοῦντες ὑμᾶς καὶ παραμυθούμενοι καὶ μαρτυρόμενοι, εἰς τὸ περιπατεῖν ὑμᾶς ἀξίως τοῦ θεοῦ τοῦ καλοῦντος ὑμᾶς εἰς τὴν ἑαυτοῦ βασιλείαν καὶ δόξαν.

Mnemoneuete gar, adelphoi, ton kopon hemon kai ton mochthon; nyktos kai hemeras ergazomenoi pros to me epibaresai tina hymon ekeryxamen eis hymas to euangelion tou theou. hymeis martyres kai ho theos, hos hosios kai dikaios kai amemptos hymin tois pisteuousin egenethemen, kathaper oidate hos hena hekaston hymon hos pater tekna heautou parakalountes hymas kai paramythoumenoi kai martyromenoi, eis to peripatein hymas axios tou theou tou kalountos hymas eis ten heautou basileian kai doxan.

Καὶ διὰ τοῦτο καὶ ἡμεῖς εὐχαριστοῦμεν τῷ θεῷ ἀδιαλείπτως, ὅτι παραλαβόντες λόγον ἀκοῆς παρ’ ἡμῶν τοῦ θεοῦ ἐδέξασθε οὐ λόγον ἀνθρώπων ἀλλὰ καθὼς ἀληθῶς ἐστὶν λόγον θεοῦ, ὃς καὶ ἐνεργεῖται ἐν ὑμῖν τοῖς πιστεύουσιν. ὑμεῖς γὰρ μιμηταὶ ἐγενήθητε, ἀδελφοί, τῶν ἐκκλησιῶν τοῦ θεοῦ τῶν οὐσῶν ἐν τῇ Ἰουδαίᾳ ἐν Χριστῷ Ἰησοῦ, ὅτι τὰ αὐτὰ ἐπάθετε καὶ ὑμεῖς ὑπὸ τῶν ἰδίων συμφυλετῶν καθὼς καὶ αὐτοὶ ὑπὸ τῶν Ἰουδαίων τῶν καὶ τὸν κύριον ἀποκτεινάντων Ἰησοῦν καὶ τοὺς προφήτας καὶ ἡμᾶς ἐκδιωξάντων, καὶ θεῷ μὴ ἀρεσκόντων, καὶ πᾶσιν ἀνθρώποις ἐναντίων, κωλυόντων ἡμᾶς τοῖς ἔθνεσιν λαλῆσαι ἵνα σωθῶσιν, εἰς τὸ ἀναπληρῶσαι αὐτῶν τὰς ἁμαρτίας πάντοτε. ἔφθασεν δὲ ἐπ’ αὐτοὺς ἡ ὀργὴ εἰς τέλος.

Kai dia touto kai hemeis eucharistoumen to theo adialeiptos, hoti paralabontes logon akoes par’ hemon tou theou edexasthe ou logon anthropon alla kathos alethos estin logon theou, hos kai energeitai en hymin tois pisteuousin. hymeis gar mimetai egenethete, adelphoi, ton ekklesion tou theou ton ouson en te Ioudaia en Christo Iesou, hoti ta auta epathete kai hymeis hypo ton idion symphyleton kathos kai autoi hypo ton Ioudaion ton kai ton kyrion apokteinanton Iesoun kai tous prophetas kai hemas ekdioxanton, kai theo me areskonton, kai pasin anthropois enantion, kolyonton hemas tois ethnesin lalesai hina sothosin, eis to anaplerosai auton tas hamartias pantote. ephthasen de ep’ autous he orge eis telos.

Ἡμεῖς δέ, ἀδελφοί, ἀπορφανισθέντες ἀφ’ ὑμῶν πρὸς καιρὸν ὥρας, προσώπῳ οὐ καρδίᾳ, περισσοτέρως ἐσπουδάσαμεν τὸ πρόσωπον ὑμῶν ἰδεῖν ἐν πολλῇ ἐπιθυμίᾳ. διότι ἠθελήσαμεν ἐλθεῖν πρὸς ὑμᾶς, ἐγὼ μὲν Παῦλος καὶ ἅπαξ καὶ δίς, καὶ ἐνέκοψεν ἡμᾶς ὁ Σατανᾶς. τίς γὰρ ἡμῶν ἐλπὶς ἢ χαρὰ ἢ στέφανος καυχήσεως ἢ οὐχὶ καὶ ὑμεῖς ἔμπροσθεν τοῦ κυρίου ἡμῶν Ἰησοῦ ἐν τῇ αὐτοῦ παρουσίᾳ; ὑμεῖς γάρ ἐστε ἡ δόξα ἡμῶν καὶ ἡ χαρά.

Hemeis de, adelphoi, aporphanisthentes aph’ hymon pros kairon horas, prosopo ou kardia, perissoteros espoudasamen to prosopon hymon idein en polle epithymia. dioti ethelesamen elthein pros hymas, ego men Paulos kai hapax kai dis, kai enekopsen hemas ho Satanas. tis gar hemon elpis e chara e stephanos kaucheseos e ouchi kai hymeis emprosthen tou kyriou hemon Iesou en te autou parousia? hymeis gar este he doxa hemon kai he chara.