Buch 1, § 20 — Neues Testament

Ὁμοία γάρ ἐστιν ἡ βασιλεία τῶν οὐρανῶν ἀνθρώπῳ οἰκοδεσπότῃ ὅστις ἐξῆλθεν ἅμα πρωῒ μισθώσασθαι ἐργάτας εἰς τὸν ἀμπελῶνα αὐτοῦ. συμφωνήσας δὲ μετὰ τῶν ἐργατῶν ἐκ δηναρίου τὴν ἡμέραν ἀπέστειλεν αὐτοὺς εἰς τὸν ἀμπελῶνα αὐτοῦ. καὶ ἐξελθὼν περὶ τρίτην ὥραν εἶδεν ἄλλους ἑστῶτας ἐν τῇ ἀγορᾷ ἀργούς· καὶ ἐκείνοις εἶπεν· Ὑπάγετε καὶ ὑμεῖς εἰς τὸν ἀμπελῶνα, καὶ ὃ ἐὰν ᾖ δίκαιον δώσω ὑμῖν· οἱ δὲ ἀπῆλθον. πάλιν ἐξελθὼν περὶ ἕκτην καὶ ἐνάτην ὥραν ἐποίησεν ὡσαύτως. περὶ δὲ τὴν ἑνδεκάτην ἐξελθὼν εὗρεν ἄλλους ἑστῶτας, καὶ λέγει αὐτοῖς· Τί ὧδε ἑστήκατε ὅλην τὴν ἡμέραν ἀργοί; λέγουσιν αὐτῷ· Ὅτι οὐδεὶς ἡμᾶς ἐμισθώσατο. λέγει αὐτοῖς· Ὑπάγετε καὶ ὑμεῖς εἰς τὸν ἀμπελῶνα. ὀψίας δὲ γενομένης λέγει ὁ κύριος τοῦ ἀμπελῶνος τῷ ἐπιτρόπῳ αὐτοῦ· Κάλεσον τοὺς ἐργάτας καὶ ἀπόδος αὐτοῖς τὸν μισθὸν ἀρξάμενος ἀπὸ τῶν ἐσχάτων ἕως τῶν πρώτων. καὶ ἐλθόντες οἱ περὶ τὴν ἑνδεκάτην ὥραν ἔλαβον ἀνὰ δηνάριον. καὶ ἐλθόντες οἱ πρῶτοι ἐνόμισαν ὅτι πλεῖον λήμψονται· καὶ ἔλαβον τὸ ἀνὰ δηνάριον καὶ αὐτοί. λαβόντες δὲ ἐγόγγυζον κατὰ τοῦ οἰκοδεσπότου λέγοντες· Οὗτοι οἱ ἔσχατοι μίαν ὥραν ἐποίησαν, καὶ ἴσους αὐτοὺς ἡμῖν ἐποίησας τοῖς βαστάσασι τὸ βάρος τῆς ἡμέρας καὶ τὸν καύσωνα. ὁ δὲ ἀποκριθεὶς ἑνὶ αὐτῶν εἶπεν· Ἑταῖρε, οὐκ ἀδικῶ σε· οὐχὶ δηναρίου συνεφώνησάς μοι; ἆρον τὸ σὸν καὶ ὕπαγε· θέλω δὲ τούτῳ τῷ ἐσχάτῳ δοῦναι ὡς καὶ σοί· οὐκ ἔξεστίν μοι ὃ θέλω ποιῆσαι ἐν τοῖς ἐμοῖς; ἢ ὁ ὀφθαλμός σου πονηρός ἐστιν ὅτι ἐγὼ ἀγαθός εἰμι; οὕτως ἔσονται οἱ ἔσχατοι πρῶτοι καὶ οἱ πρῶτοι ἔσχατοι. Καὶ ἀναβαίνων ὁ Ἰησοῦς εἰς Ἱεροσόλυμα παρέλαβεν τοὺς δώδεκα μαθητὰς κατ’ ἰδίαν, καὶ ἐν τῇ ὁδῷ εἶπεν αὐτοῖς· Ἰδοὺ ἀναβαίνομεν εἰς Ἱεροσόλυμα, καὶ ὁ υἱὸς τοῦ ἀνθρώπου παραδοθήσεται τοῖς ἀρχιερεῦσιν καὶ γραμματεῦσιν, καὶ κατακρινοῦσιν αὐτὸν θανάτῳ, καὶ παραδώσουσιν αὐτὸν τοῖς ἔθνεσιν εἰς τὸ ἐμπαῖξαι καὶ μαστιγῶσαι καὶ σταυρῶσαι, καὶ τῇ τρίτῃ ἡμέρᾳ ἐγερθήσεται. Τότε προσῆλθεν αὐτῷ ἡ μήτηρ τῶν υἱῶν Ζεβεδαίου μετὰ τῶν υἱῶν αὐτῆς προσκυνοῦσα καὶ αἰτοῦσά τι παρ’ αὐτοῦ. ὁ δὲ εἶπεν αὐτῇ· Τί θέλεις; λέγει αὐτῷ· Εἰπὲ ἵνα καθίσωσιν οὗτοι οἱ δύο υἱοί μου εἷς ἐκ δεξιῶν σου καὶ εἷς ἐξ εὐωνύμων σου ἐν τῇ βασιλείᾳ σου. ἀποκριθεὶς δὲ ὁ Ἰησοῦς εἶπεν· Οὐκ οἴδατε τί αἰτεῖσθε· δύνασθε πιεῖν τὸ ποτήριον ὃ ἐγὼ μέλλω πίνειν; λέγουσιν αὐτῷ· Δυνάμεθα. λέγει αὐτοῖς· Τὸ μὲν ποτήριόν μου πίεσθε, τὸ δὲ καθίσαι ἐκ δεξιῶν μου καὶ ἐξ εὐωνύμων οὐκ ἔστιν ἐμὸν δοῦναι, ἀλλ’ οἷς ἡτοίμασται ὑπὸ τοῦ πατρός μου. Καὶ ἀκούσαντες οἱ δέκα ἠγανάκτησαν περὶ τῶν δύο ἀδελφῶν. ὁ δὲ Ἰησοῦς προσκαλεσάμενος αὐτοὺς εἶπεν· Οἴδατε ὅτι οἱ ἄρχοντες τῶν ἐθνῶν κατακυριεύουσιν αὐτῶν καὶ οἱ μεγάλοι κατεξουσιάζουσιν αὐτῶν. οὐχ οὕτως ἔσται ἐν ὑμῖν· ἀλλ’ ὃς ἂν θέλῃ ἐν ὑμῖν μέγας γενέσθαι ἔσται ὑμῶν διάκονος, καὶ ὃς ἂν θέλῃ ἐν ὑμῖν εἶναι πρῶτος ἔσται ὑμῶν δοῦλος· ὥσπερ ὁ υἱὸς τοῦ ἀνθρώπου οὐκ ἦλθεν διακονηθῆναι ἀλλὰ διακονῆσαι καὶ δοῦναι τὴν ψυχὴν αὐτοῦ λύτρον ἀντὶ πολλῶν. Καὶ ἐκπορευομένων αὐτῶν ἀπὸ Ἰεριχὼ ἠκολούθησεν αὐτῷ ὄχλος πολύς. καὶ ἰδοὺ δύο τυφλοὶ καθήμενοι παρὰ τὴν ὁδόν, ἀκούσαντες ὅτι Ἰησοῦς παράγει, ἔκραξαν λέγοντες· Κύριε, ἐλέησον ἡμᾶς, υἱὸς Δαυίδ. ὁ δὲ ὄχλος ἐπετίμησεν αὐτοῖς ἵνα σιωπήσωσιν· οἱ δὲ μεῖζον ἔκραξαν λέγοντες· Κύριε, ἐλέησον ἡμᾶς, υἱὸς Δαυίδ. καὶ στὰς ὁ Ἰησοῦς ἐφώνησεν αὐτοὺς καὶ εἶπεν· Τί θέλετε ποιήσω ὑμῖν; λέγουσιν αὐτῷ· Κύριε, ἵνα ἀνοιγῶσιν οἱ ὀφθαλμοὶ ἡμῶν. σπλαγχνισθεὶς δὲ ὁ Ἰησοῦς ἥψατο τῶν ὀμμάτων αὐτῶν, καὶ εὐθέως ἀνέβλεψαν καὶ ἠκολούθησαν αὐτῷ.

Homoia gar estin he basileia ton ouranon anthropo oikodespote hostis exelthen hama proi misthosasthai ergatas eis ton ampelona autou. symphonesas de meta ton ergaton ek denariou ten hemeran apesteilen autous eis ton ampelona autou. kai exelthon peri triten horan eiden allous hestotas en te agora argous; kai ekeinois eipen; Hypagete kai hymeis eis ton ampelona, kai ho ean e dikaion doso hymin; ohi de apelthon. palin exelthon peri hekten kai enaten horan epoiesen hosautos. peri de ten hendekaten exelthon heuren allous hestotas, kai legei autois; Ti hode hestekate holen ten hemeran argoi? legousin auto; Hoti oudeis hemas emisthosato. legei autois; Hypagete kai hymeis eis ton ampelona. opsias de genomenes legei ho kyrios tou ampelonos to epitropo autou; Kaleson tous ergatas kai apodos autois ton misthon arxamenos apo ton eschaton heos ton proton. kai elthontes ohi peri ten hendekaten horan elabon ana denarion. kai elthontes ohi protoi enomisan hoti pleion lempsontai; kai elabon to ana denarion kai autoi. labontes de egongyzon kata tou oikodespotou legontes; Houtoi ohi eschatoi mian horan epoiesan, kai isous autous hemin epoiesas tois bastasasi to baros tes hemeras kai ton kausona. ho de apokritheis heni auton eipen; Hetaire, ouk adiko se; ouchi denariou synephonesas moi? aron to son kai hypage; thelo de touto to eschato dounai hos kai soi; ouk exestin moi ho thelo poiesai en tois emois? e ho ophthalmos sou poneros estin hoti ego agathos eimi? houtos esontai ohi eschatoi protoi kai ohi protoi eschatoi. Kai anabainon ho Iesous eis Hierosolyma parelaben tous dodeka mathetas kat’ idian, kai en te hodo eipen autois; Idou anabainomen eis Hierosolyma, kai ho yhios tou anthropou paradothesetai tois archiereusin kai grammateusin, kai katakrinousin auton thanato, kai paradosousin auton tois ethnesin eis to empaixai kai mastigosai kai staurosai, kai te trite hemera egerthesetai. Tote proselthen auto he meter ton yhion Zebedaiou meta ton yhion autes proskynousa kai aitousa ti par’ autou. ho de eipen aute; Ti theleis? legei auto; Eipe hina kathisosin houtoi ohi dyo yhioi mou ehis ek dexion sou kai ehis ex euonymon sou en te basileia sou. apokritheis de ho Iesous eipen; Ouk oidate ti aiteisthe; dynasthe piein to poterion ho ego mello pinein? legousin auto; Dynametha. legei autois; To men poterion mou piesthe, to de kathisai ek dexion mou kai ex euonymon ouk estin emon dounai, all’ ohis hetoimastai hypo tou patros mou. Kai akousantes ohi deka eganaktesan peri ton dyo adelphon. ho de Iesous proskalesamenos autous eipen; Oidate hoti ohi archontes ton ethnon katakyrieuousin auton kai ohi megaloi katexousiazousin auton. ouch houtos estai en hymin; all’ hos an thele en hymin megas genesthai estai hymon diakonos, kai hos an thele en hymin einai protos estai hymon doulos; hosper ho yhios tou anthropou ouk elthen diakonethenai alla diakonesai kai dounai ten psychen autou lytron anti pollon. Kai ekporeuomenon auton apo Iericho ekolouthesen auto ochlos polys. kai idou dyo typhloi kathemenoi para ten hodon, akousantes hoti Iesous paragei, ekraxan legontes; Kyrie, eleeson hemas, yhios Dauid. ho de ochlos epetimesen autois hina siopesosin; ohi de meizon ekraxan legontes; Kyrie, eleeson hemas, yhios Dauid. kai stas ho Iesous ephonesen autous kai eipen; Ti thelete poieso hymin? legousin auto; Kyrie, hina anoigosin ohi ophthalmoi hemon. splanchnistheis de ho Iesous hepsato ton ommaton auton, kai eutheos aneblepsan kai ekolouthesan auto.