Buch 1, § 2 — Neues Testament

Τοῦ δὲ Ἰησοῦ γεννηθέντος ἐν Βηθλέεμ τῆς Ἰουδαίας ἐν ἡμέραις Ἡρῴδου τοῦ βασιλέως, ἰδοὺ μάγοι ἀπὸ ἀνατολῶν παρεγένοντο εἰς Ἱεροσόλυμα λέγοντες· Ποῦ ἐστιν ὁ τεχθεὶς βασιλεὺς τῶν Ἰουδαίων; εἴδομεν γὰρ αὐτοῦ τὸν ἀστέρα ἐν τῇ ἀνατολῇ καὶ ἤλθομεν προσκυνῆσαι αὐτῷ. ἀκούσας δὲ ὁ βασιλεὺς Ἡρῴδης ἐταράχθη καὶ πᾶσα Ἱεροσόλυμα μετ’ αὐτοῦ, καὶ συναγαγὼν πάντας τοὺς ἀρχιερεῖς καὶ γραμματεῖς τοῦ λαοῦ ἐπυνθάνετο παρ’ αὐτῶν ποῦ ὁ χριστὸς γεννᾶται. οἱ δὲ εἶπαν αὐτῷ· Ἐν Βηθλέεμ τῆς Ἰουδαίας· οὕτως γὰρ γέγραπται διὰ τοῦ προφήτου· Καὶ σύ, Βηθλέεμ γῆ Ἰούδα, οὐδαμῶς ἐλαχίστη εἶ ἐν τοῖς ἡγεμόσιν Ἰούδα· ἐκ σοῦ γὰρ ἐξελεύσεται ἡγούμενος, ὅστις ποιμανεῖ τὸν λαόν μου τὸν Ἰσραήλ.

Tou de Iesou gennethentos en Bethleem tes Ioudaias en hemerais Herodou tou basileos, idou magoi apo anatolon paregenonto eis Hierosolyma legontes; Pou estin ho techtheis basileus ton Ioudaion? eidomen gar autou ton astera en te anatole kai elthomen proskynesai auto. akousas de ho basileus Herodes etarachthe kai pasa Hierosolyma met’ autou, kai synagagon pantas tous archiereis kai grammateis tou laou epynthaneto par’ auton pou ho christos gennatai. ohi de eipan auto; En Bethleem tes Ioudaias; houtos gar gegraptai dia tou prophetou; Kai sy, Bethleem ge Iouda, oudamos elachiste ei en tois hegemosin Iouda; ek sou gar exeleusetai hegoumenos, hostis poimanei ton laon mou ton Israel.

Τότε Ἡρῴδης λάθρᾳ καλέσας τοὺς μάγους ἠκρίβωσεν παρ’ αὐτῶν τὸν χρόνον τοῦ φαινομένου ἀστέρος, καὶ πέμψας αὐτοὺς εἰς Βηθλέεμ εἶπεν· Πορευθέντες ἐξετάσατε ἀκριβῶς περὶ τοῦ παιδίου· ἐπὰν δὲ εὕρητε, ἀπαγγείλατέ μοι, ὅπως κἀγὼ ἐλθὼν προσκυνήσω αὐτῷ. οἱ δὲ ἀκούσαντες τοῦ βασιλέως ἐπορεύθησαν, καὶ ἰδοὺ ὁ ἀστὴρ ὃν εἶδον ἐν τῇ ἀνατολῇ προῆγεν αὐτούς, ἕως ἐλθὼν ἐστάθη ἐπάνω οὗ ἦν τὸ παιδίον. ἰδόντες δὲ τὸν ἀστέρα ἐχάρησαν χαρὰν μεγάλην σφόδρα. καὶ ἐλθόντες εἰς τὴν οἰκίαν εἶδον τὸ παιδίον μετὰ Μαρίας τῆς μητρὸς αὐτοῦ, καὶ πεσόντες προσεκύνησαν αὐτῷ, καὶ ἀνοίξαντες τοὺς θησαυροὺς αὐτῶν προσήνεγκαν αὐτῷ δῶρα, χρυσὸν καὶ λίβανον καὶ σμύρναν. καὶ χρηματισθέντες κατ’ ὄναρ μὴ ἀνακάμψαι πρὸς Ἡρῴδην δι’ ἄλλης ὁδοῦ ἀνεχώρησαν εἰς τὴν χώραν αὐτῶν.

Tote Herodes lathra kalesas tous magous ekribosen par’ auton ton chronon tou phainomenou asteros, kai pempsas autous eis Bethleem eipen; Poreuthentes exetasate akribos peri tou paidiou; epan de heurete, apangeilate moi, hopos kago elthon proskyneso auto. ohi de akousantes tou basileos eporeuthesan, kai idou ho aster hon eidon en te anatole proegen autous, heos elthon estathe epano hou en to paidion. idontes de ton astera echaresan charan megalen sphodra. kai elthontes eis ten oikian eidon to paidion meta Marias tes metros autou, kai pesontes prosekynesan auto, kai anoixantes tous thesaurous auton prosenenkan auto dora, chryson kai libanon kai smyrnan. kai chrematisthentes kat’ onar me anakampsai pros Heroden di’ alles hodou anechoresan eis ten choran auton.

Ἀναχωρησάντων δὲ αὐτῶν ἰδοὺ ἄγγελος κυρίου φαίνεται κατ’ ὄναρ τῷ Ἰωσὴφ λέγων· Ἐγερθεὶς παράλαβε τὸ παιδίον καὶ τὴν μητέρα αὐτοῦ καὶ φεῦγε εἰς Αἴγυπτον, καὶ ἴσθι ἐκεῖ ἕως ἂν εἴπω σοι· μέλλει γὰρ Ἡρῴδης ζητεῖν τὸ παιδίον τοῦ ἀπολέσαι αὐτό. ὁ δὲ ἐγερθεὶς παρέλαβε τὸ παιδίον καὶ τὴν μητέρα αὐτοῦ νυκτὸς καὶ ἀνεχώρησεν εἰς Αἴγυπτον, καὶ ἦν ἐκεῖ ἕως τῆς τελευτῆς Ἡρῴδου· ἵνα πληρωθῇ τὸ ῥηθὲν ὑπὸ κυρίου διὰ τοῦ προφήτου λέγοντος· Ἐξ Αἰγύπτου ἐκάλεσα τὸν υἱόν μου.

Anachoresanton de auton idou angelos kyriou phainetai kat’ onar to Ioseph legon; Egertheis paralabe to paidion kai ten metera autou kai pheuge eis Aigypton, kai isthi ekei heos an eipo soi; mellei gar Herodes zetein to paidion tou apolesai auto. ho de egertheis parelabe to paidion kai ten metera autou nyktos kai anechoresen eis Aigypton, kai en ekei heos tes teleutes Herodou; hina plerothe to rhethen hypo kyriou dia tou prophetou legontos; Ex Aigyptou ekalesa ton yhion mou.

Τότε Ἡρῴδης ἰδὼν ὅτι ἐνεπαίχθη ὑπὸ τῶν μάγων ἐθυμώθη λίαν, καὶ ἀποστείλας ἀνεῖλεν πάντας τοὺς παῖδας τοὺς ἐν Βηθλέεμ καὶ ἐν πᾶσι τοῖς ὁρίοις αὐτῆς ἀπὸ διετοῦς καὶ κατωτέρω, κατὰ τὸν χρόνον ὃν ἠκρίβωσεν παρὰ τῶν μάγων. τότε ἐπληρώθη τὸ ῥηθὲν διὰ Ἰερεμίου τοῦ προφήτου λέγοντος· Φωνὴ ἐν Ῥαμὰ ἠκούσθη, κλαυθμὸς καὶ ὀδυρμὸς πολύς· Ῥαχὴλ κλαίουσα τὰ τέκνα αὐτῆς, καὶ οὐκ ἤθελεν παρακληθῆναι ὅτι οὐκ εἰσίν.

Tote Herodes idon hoti enepaichthe hypo ton magon ethymothe lian, kai aposteilas aneilen pantas tous paidas tous en Bethleem kai en pasi tois horiois autes apo dietous kai katotero, kata ton chronon hon ekribosen para ton magon. tote eplerothe to rhethen dia Ieremiou tou prophetou legontos; Phone en Rhama ekousthe, klauthmos kai odyrmos polys; Rhachel klaiousa ta tekna autes, kai ouk ethelen paraklethenai hoti ouk eisin.

Τελευτήσαντος δὲ τοῦ Ἡρῴδου ἰδοὺ ἄγγελος κυρίου φαίνεται κατ’ ὄναρ τῷ Ἰωσὴφ ἐν Αἰγύπτῳ λέγων· Ἐγερθεὶς παράλαβε τὸ παιδίον καὶ τὴν μητέρα αὐτοῦ καὶ πορεύου εἰς γῆν Ἰσραήλ, τεθνήκασιν γὰρ οἱ ζητοῦντες τὴν ψυχὴν τοῦ παιδίου. ὁ δὲ ἐγερθεὶς παρέλαβε τὸ παιδίον καὶ τὴν μητέρα αὐτοῦ καὶ εἰσῆλθεν εἰς γῆν Ἰσραήλ. ἀκούσας δὲ ὅτι Ἀρχέλαος βασιλεύει τῆς Ἰουδαίας ἀντὶ τοῦ πατρὸς αὐτοῦ Ἡρῴδου ἐφοβήθη ἐκεῖ ἀπελθεῖν· χρηματισθεὶς δὲ κατ’ ὄναρ ἀνεχώρησεν εἰς τὰ μέρη τῆς Γαλιλαίας, καὶ ἐλθὼν κατῴκησεν εἰς πόλιν λεγομένην Ναζαρέτ, ὅπως πληρωθῇ τὸ ῥηθὲν διὰ τῶν προφητῶν ὅτι Ναζωραῖος κληθήσεται.

Teleutesantos de tou Herodou idou angelos kyriou phainetai kat’ onar to Ioseph en Aigypto legon; Egertheis paralabe to paidion kai ten metera autou kai poreuou eis gen Israel, tethnekasin gar ohi zetountes ten psychen tou paidiou. ho de egertheis parelabe to paidion kai ten metera autou kai eiselthen eis gen Israel. akousas de hoti Archelaos basileuei tes Ioudaias anti tou patros autou Herodou ephobethe ekei apelthein; chrematistheis de kat’ onar anechoresen eis ta mere tes Galilaias, kai elthon katokesen eis polin legomenen Nazaret, hopos plerothe to rhethen dia ton propheton hoti Nazoraios klethesetai.